Tuesday , December 1 2020
Breaking News
You are here: Home / News / Manager ng Jollibee utas sa parak (Inakalang magnanakaw)

Manager ng Jollibee utas sa parak (Inakalang magnanakaw)

PATAY ang 24-anyos manager ng isang food chain makaraang mapagkamalan na magnanakaw ng 29-anyos tauhan ng Rizal PNP at binaril sa bubong ng bahay kahapon ng madaling-araw sa Pasig City.

Kinilala ni Senior Supt. Mario Rariza, hepe ng Pasig Police, ang napatay na si Irvin Perez y Padernal, manager ng Jollibee Antipolo at nakatira sa #31 Galaxy St., Cielo Homes, Brgy. San Isidro, Taytay, Rizal.

Sumuko ang suspek na si PO2 Mark Ronald C. Dorado, nakatalaga sa Rizal Provincial Public Safety Company at nakatira sa Blk-8, Lot-12, Saint Mary St., Metro Ville Subd., Brgy. Manggahan Pasig City.

Ayon sa inisyal na imbestigasyon nina SP01 Remegio Ora at P01 Eric Goboy, dakong 1:30 a.m. nang mangyari ang pamamaril ng pulis sa biktima sa Blk-8, Lot-12, Saint Mary St., lungsod Pasig.

Sa pahayag ni Renz Michael Coloma, kaibigan ng biktima, posibleng napagkamalan na magnanakaw ng kapitbahay na pulis si Perez dahil dumaan sa bubungan ng kanilang bahay kaya binaril.

(ED MORENO/MIKKO BAYLON)

About hataw tabloid

Leave a Reply

Your email address will not be published. Required fields are marked *

*

Scroll To Top