Saturday , October 24 2020
Breaking News
You are here: Home / News / 2 holdaper bugbog-sarado sa taong bayan

2 holdaper bugbog-sarado sa taong bayan

Pinagtulungan bugbugin ng taong bayan ang dalawang hol-daper sa Sampaloc, Maynila, Lunes ng madaling araw.

Kinilala ang mga suspek na sina Reynald Jose, 23-anyos at Brenhar Castillo, walang  tiyak na tirahan.

Kwento ni “Johanna,” isa sa mga biktima, sumakay sila sa jeep na biyaheng Cubao nang biglang magdeklara ng holdap ang mga suspek sa bahagi ng Lerma.

Natangay ng mga suspek ang cellphone ni “Johanna” ga-yondin ang sa iba pang mga pasahero at kanilang mga bag.

Ayon kay Kagawad Jonnel Samson ng Barangay 464 Zone 46, isa sa mga nagresponde, nakapwesto sila malapit sa pinangyarihan ng krimen nang marinig nilang humihingi ng tulong ang mga biktima.

Noon hinabol ng taong ba-yan ang mga holdaper saka kinuyog.

Ani Samson, tinangka siyang saksakin ni Castillo pero napigilan ng isa sa mga res-ponde.

Paliwanag ng kagawad, ginagawang daanan ng mga hol-daper ang kanilang lugar dahil may lagusan doon dito patu-ngong Central Market at Blumentritt.

Narekober kina Castillo at Jose ang dalawang balisong at gamit ng mga biktima maliban sa cellphone ni “Johanna” na pinaniniwalaang naipasa na sa iba pang kasabwat ng dalawa.

Nagmakaawa sa mga biktima ang dalawang nadakip at nabugbog suspek pero sasampahan pa rin sila ng kaukulang kaso sa Manila Police District Sampaloc police station na pinamumunuan ni Supt. Christian Dela Cruz.

(LEONARDO BASILIO)

About hataw tabloid

Leave a Reply

Your email address will not be published. Required fields are marked *

*

Scroll To Top