Friday , March 29 2024

Lolo bilib sa apo

MATAPOS ang matagal na pananahimik, lumutang at nagsalita na ang isa sa mga kamag-anak ni Deniece Cornejo, ang kanyang lolo Rod Cornejo.

Sa eksklusibong pagharap sa “Buzz ng Bayan” ni Rodrigo Cornejo, isang college professor at dating mataas na empleyado ng GMA Network, idinipensa niya ang apong si Deniece mula sa mga bumabatikos dito.

Aniya, masyadong  nasasaktan ang pamilya Cornejo sa mga negatibong komentong ibinabato kay Deniece.

“Siya ang biktima e at nakikita ko na helpless, magmula nang lumaki ‘tong isyu na ‘to, wala akong nakitang magandang sinabi tungkol sa kanya,” sabi ng propesor.

“She’s a lovely person, not because she is my grandniece but because she has a good heart.”

Dagdag ng matandang Cornejo, determinado si Deniece at nagsusumikap na umunlad gamit ang kanyang sariling kakayahan.

Wala rin anyang balak sumikat ang kanyang apo bagkus gusto nitong maging abogado.

Sinagot din ng matandang Cornejo kung bakit natagalan bago humarap ang pamilya ng modelo upang siya’y ipagtanggol.

“Ang kanyang ama, nasa abroad, yung kanyang mother at kanyang lola, Deniece is worried ayaw niyang mapahamak sila,” paliwanag ni Cornejo.

Pagsisiwalat pa nito, tinanong niya ang apo kung may relasyon sila ni Cedric Lee na pangunahing itinuturong suspek sa pambubugbog kay Vhong.

“I looked at her in the eye [sabi ko] ‘may relasyon kayo [ni Cedric]’? sabi niya ‘wala’.”

Maging ang alegasyong panggagahasa na ibinabato ng kanyang apo laban kay Vhong, kinumpirma rin niya mismo kay Deniece.

“[Sabi ko] ‘yung charge mo totoo ba yun’ sabi niya, ‘yes lolo’ and I chose to believe her,” ani Cornejo.

Kumbinsido rin ang matandang Cornejo na pinagtangkaang gahasain ni Vhong ang kanyang apo.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *