Pope Francis bibisita sa Yolanda victims

NAGPAHAYAG si Pope Francis ng kanyang intensiyon na bisitahin ang mga lugar na sinalanta ng bagyo sa Leyte, ayon sa Vatican official kahapon.

Ayon sa ulat ng CBCP News, sinabi ni Cardinal Robert Sarah, pangulo ng Pontifical Council Cor Unum, ang nasabing posibleng pagbisita ay upang ipakita ni Pope Francis ang kanyang pakikisimpatya at spiritual closeness sa mga biktima ng super typehoon Yolanda.

Inihayag ito ng church official nitong Martes sa ginanap na misa sa La Libertad Mission Church, sa Palo, Leyte, na matinding sinalanta ng bagyo nitong Nobyembre 8.

Ipinadala ni Pope Francis ang cardinal sa Filipinas upang bisitahin ang mga lugar na sinalanta ng bagyo at para magpaabot ng higit pang tulong sa rehabilitation efforts.

“You go now because I might be going there also,” sinabi ni Cardinal Sarah, ayon sa ipinahayag sa kanya ni Pope Francis, na ikinatuwa ng mga nagsisimba.

Unang Santo Papa sa Rock Mag na Rolling Stone

Si Pope Francis ang unang Santo Papa na itinampok sa cover ng Rolling Stone magazine.

Isang buwan matapos itanghal na Person of the Year ng TIME magazine, bumandera naman ang Papa sa cover ng rock music magazine na may titulong “The times they are a-changin” hango sa awitin ni Bob Dylan.

Laman ng isyu ang 7,700-salitang profile ng Santo Papa mula sa editor na si Mark Binelli, na binigyang-diin na, “In less than a year since his papacy began, Pope Francis has done much to separate himself from past popes and establish himself as a people’s pope.”