Saturday , September 26 2020
Breaking News
You are here: Home / News / 6-anyos totoy, lolo patay sa abandonadong condo

6-anyos totoy, lolo patay sa abandonadong condo

Natagpuang patay ang isang 6-anyos totoy  at isang lolong palaboy, sa lobby ng isang abandonadong condominium , iniulat kahapon.

Kinilala ni SPO3 Glenzor Vallejo, ang biktimang si Alfredo Aguilar, 6, na sinasabing madalas nakikitulog sa lobby ng Skylark Condominium, nasa Paterno Street,  Quiapo, Maynila.

Nakasuot ng kulay ubeng Nazareno t-shirt ang biktima nang matagpuang wala nang buhay, dakong 4:00 ng mada-ling araw kamakalawa.

Wala namang nakikitang foul play ang mga awtoridad sa pagkamatay ng paslit.

Samantala, natagpuan ng isang vendor ang isang palaboy na lolo nang bibigyan niya sana ng pagkain pero wala na itong buhay na nakahiga sa folding bed sa lobby ng nasabing condominium.

Inakalang natutulog lang ni  Diosdado Rodriguez, 24, ang biktimang tinatayang 60-65-anyos, nang kanyang makita dakong  11:45 ng gabi.

Kaagad  ipinagbigay alam ni Rodriguez kay Romeo Bulalaque, security guard, ang na-kita, na siyang tumawag sa sa MPD-HS,  para maimbestigahan ang pagkamatay ng biktima.

Ang bangkay ng biktima ay dinala na sa Universal Funeral Homes para sa awtopsiya at safekeeping.

(leonard basilio)

About hataw tabloid

Leave a Reply

Your email address will not be published. Required fields are marked *

*

Scroll To Top