Wednesday , September 30 2020
Breaking News
You are here: Home / News / Rape suspect nagbigti sa kulungan

Rape suspect nagbigti sa kulungan

CEBU CITY – Nagbigti ang isang rape suspect sa loob ng kanyang selda dakong 1:45 a.m. kahapon sa Brgy. Punta Princesa, lungsod ng Cebu.

Ayon sa pulisya, natagpuang wala nang buhay si Tomas Lido, 57, walang asawa, at residente ng Jagna, lalawigan ng Bohol.

Nagbigti si Lido gamit ang tali ng kanyang short pants sa loob ng Punta Princesa police station.

Ayon kay SPO4 Rey Cuyos ng homicide section ng Cebu City Police Office, batay sa kanilang inisyal na imbestigasyon, lumalabas na ang sobrang depresyon bunsod ng pagkabilanggo ang dahilan ng pagbibigti ng rape suspect.

Bagama’t mayroong kasama sa selda, hindi namalayan ng kapwa preso ang pagpapakamatay ni Lido at ang selda ay bahagyang malayo sa desk officer.

Nakulong si Lido nang inireklamo ng panghahalay sa isang menor de edad noong Enero 2 ng kasalukuyang taon sa South Hills Subdivision, Brgy.Tisa nitong lungsod.

Samantala, kahit pinaniniwalaang suicide ang dahilan sa pagkamatay ng nasabing preso, isasailalim pa rin ito sa post mortem examination.

(BETH JULIAN)

About hataw tabloid

Leave a Reply

Your email address will not be published. Required fields are marked *

*

Scroll To Top