Tuesday , September 29 2020
Breaking News
You are here: Home / News / Kasambahay ni Napoles pinalaya ng RTC

Kasambahay ni Napoles pinalaya ng RTC

MALAYA na ang dating kasambahay ng kontrobersyal na reyna ng pork barrel scam na si Janet Lim Napoles.

Ito ay matapos isapinal ng Makati Regional Trial Court (RTC) ang desisyon na ibasura ang kasong qualified theft na inihain ng asawa ni Napoles na si Jaime at kapatid niyang si Reynald Lim laban kay Dominga Cadelina.

Ayon kay Public Attorney’s Office Chief Persida Rueda-Acosta, hindi na iniapela ng mga complainant ang desisyon ng Makati RTC na ipinalabas noong Oktubre 2013.

Nauna rito, inakusahan nina Jaime Napoles at Reynald Lim si Cadelina ng pagnanakaw ng US$13,400 halaga ng mamahaling bag, underwear at damit.

Ngunit sa desisyon ni Judge Carlito Calpatura ng Makati RTC Branch 145, sinabing nabigo ang prosekusyon na patunayan ang tinatawag na “element of taking” at “element of lack of consent” ng mga may-ari ng ninakaw na gamit.

Iniutos ng korte noong Oktubre ng nakaraang taon ang paglaya ni Cadelina matapos ang walong buwan pagkabilanggo kasunod ng pagkakabasura ng kaso laban sa kanya.

(BETH JULIAN)

About hataw tabloid

Leave a Reply

Your email address will not be published. Required fields are marked *

*

Scroll To Top