Wednesday , September 30 2020
Breaking News
You are here: Home / News / Empleyada ng pawnshop patay sa holdap

Empleyada ng pawnshop patay sa holdap

PATAY ang empleyada ng isang pawnshop nang holdapin ng riding in tandem matapos pumalag  nang hablutin ang dala niyang bag na naglalaman ng mala-king halaga ng salapi, sa Makati City kahapon ng umaga.

Dead on the spot ang biktimang si Raquel Ricafrente, nasa hustong gulang, kawani ng Tambunting Pawnshop, sanhi ng mga tama ng bala sa katawan mula sa kalibre .45 baril.

Patuloy na nagsa-sagawa ng follow-up ang Makati City Police kaugnay sa insidente at inaalam ang pag-kakakilanlan sa mga suspek.

Sa imbestigasyon, naganap ang insidente dakong 11:00 ng umaga sa Calatagan St., Barangay Palanan, ng naturang lungsod.

Ayon sa pulisya, magdedeposito ng pera si Ricafrente at galing sa Tambunting Pawnshop, 100 metro ang layo mula sa pinangyarihan ng krimen.

Biglang sumulpot ang motorsiklo sakay ang mga suspek at agad hi-nablot ang dalang bag ni Ricafrente pero nanlaban ang biktima hanggang pagbabarilin ng mga suspek.

Sa ulat,  halagang P400,000 ang ibabanko ng biktima batay sa narekober na deposit slip.

Inaalam  din kung may CCTV camera ma-lapit sa crime scene at kung nahagip ang pagkakakilanlan sa mga suspek.       (JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top