Monday , September 28 2020
Breaking News
You are here: Home / News / Sariling bahay sinunog ng bangag na bebot

Sariling bahay sinunog ng bangag na bebot

BUTUAN CITY – Pinaniniwalaang lasing at lulong sa bawal na gamot ang isang babae sa Cabadbaran City, Agusan del Norte, nang sunugin ang sarili nilang pamamahay.

Ayon kay PO3 Ferdinand Aguilar ng Cabadbaran City-Philippine National Police, nasa P50,000 ang danyos sa naabong bahay ni Cecilia Betonio Hanio, residente ng Purok 1, Brgy. Antonio Luna, Cabadbaran City, matapos itong silaban ng anak na si Jinky Jane Betonio Hanio kahapon.

Unang sinilaban ng suspek ang kurtina ng bintana sa bahay at dahil gawa lamang sa kahoy, madaling kumalat ang apoy.

Nadamay rin sa sunog ang isang kalapit na bahay ngunit partially-burned lamang ito.

Walang nasugatan sa insidente.

Ayon kay Aguilar, kasalukuyang nasa kustodiya ng Cabadbaran City Police Station ang suspek para harapin ang kaso matapos maghain nang pormal na asunto ang may-ari ng bahay na na-damay sa pagsunog sa bahay ng kanyang mga magulang.

About hataw tabloid

Leave a Reply

Your email address will not be published. Required fields are marked *

*

Scroll To Top