Tuesday , September 29 2020
Breaking News
You are here: Home / Sports / Jeron Teng College Player of the Year

Jeron Teng College Player of the Year

PARA kay Jeron Teng, maganda ang kinalabasan ng kanyang paglalaro ngayong 2013.

Biglang uminit ang kanyang pangalan nang ginabayan niya ang De La Salle University sa titulo ng UAAP men’s basketball Season 76 at sunud-sunod ang kanyang pagiging guest sa mga programa sa telebisyon kasama ang kanyang kapatid na si Jeric.

Bukod sa kanyang mahusay na paglalaro, lutang na lutang din ang pagiging mapagkumbaba ni Teng sa kanyang sarili at sa kanyang mga kalaban.

Kaya hindi naging mahirap ang UAAP-NCAA Press Corps na piliin si Teng bilang Smart College Player of the Year sa awards night nito noong Linggo sa Kamayan EDSA.

Bukod kay Teng, mga kandidato rin para sa parangal sina Terrence Romeo ng FEU/Globalport, Raymond Almazan ng Letran/Rain or Shine, Bobby Ray Parks ng National University/Sinag Pilipinas at Ola Adeogun ng San Beda.

“Sobrang surprised ako dahil mga talented players ang kasama ko kaya blessed ako,” wika ni Teng. “Pero this award is not just for me, pero para rin sa mga teammates ko sa La Salle. Collective effort talaga dahil my teammates worked hard tulad ko para magkampeon kami this year. It would be unfair if I was called King Archer dahil tulung-tulong kaming lahat.”

Natuwa ang head coach ng La Salle na si Juno Sauler sa ipinakita ni Teng.

“He’s there to motivate his teammates,” ani Sauler. “I also like his mentality in the end game where he takes it hard to the basket.”          (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top