Tuesday , September 29 2020
Breaking News
You are here: Home / Showbiz / Robin, namimili pa kung ABS-CBN o TV5 pipirma ng kontrata

Robin, namimili pa kung ABS-CBN o TV5 pipirma ng kontrata

INAMIN sa amin ni Betchay Vidanes na wala pang pinipirmahang kontrata si Robin Padilla dahil namimili pa between ABS-CBN at TV5 na nagpadala na ng kontrata.

“Siya ang bahalang  mamili at mag-decide, basta ako, noong ipadala sa akin ang draft contract, ibinigay ko sa kanya at hahayaan ko siyang magdesisyon. Basta ako, kung saan siya masaya, roon ako,” kuwento sa amin ng manager ng aktor.

Maganda raw ang offer ng dalawang TV network at malaki ang talent fees kaya tinanong namin kung bakit nagpapatumpik-tumpik pa si Robin.

“Naku, tapos na siya sa mga ganoon na malalaki ang kita, gusto niya ‘yung kuntento siya at masaya siya. Hindi rin niya type sumuweldo ng walang ginagawa, gusto niya, pinaghihirapan niya.

“Kaya bahala siya mag-isip kung ano pipiliin niya, ang ABS o TV5,” pagtatapat sa amin.

Teka, wala bang offer ang GMA 7?

“Hindi naman sila naglatag pa, wala silang ibinigay na kontrata, so walang offer,” sabi sa amin.

May nagsabi, balik- GMA na ang aktor at kasama sa serye ng anak niyang si Kylie?

“Sabi nila mag-guest daw, eh, depende sa role, kasi ‘yung offer na tatay siya ni Kylie sa ‘Adarna’, eh, mamamatay naman siya, ayaw naman ng lolo mo ‘yun, siyempre gusto niya buhay siya.

“Kaya hindi niya type ‘yun, pero kung may i-offer daw na maski maliit na role pero maganda, okay sa kanya, eh, so far, wala pa naman,” kuwento ng manager ng aktor.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top