Wednesday , September 30 2020
Breaking News
You are here: Home / Showbiz / Rona, may Pamaskong handog concert

Rona, may Pamaskong handog concert

MASAYANG ibinalita ng maganda at mahusay na mang-aawit na si Rona Dela Rama na mayroon siyang show na gagawin sa December 12, Thursday sa Music Box, Timog Ave., Cor., Quezon Ave., Quezon City. Ito ay ang Re-Throw Back na makakasama sina Mel Kevin, Joan, Roselyn at ang bagong sumisikat na compositor o arranger na si Max Gilbert.

Ayon kay Rona, labis siyang nagpapasalamat kina Margie Varela at Gianne Calzado Cajipo, mga producer ng show. At siyempre sa mga bumubuo pa rin ng production na sina Rod P. Alvarez (musical director), Khen R. De Mesa (choreographer), Alfred Tousan (photography-artist), at siyempre ang kanyang mentor-manager na si Fred S. Concepcion. Ang show ay nasa ilalim pa rin ng Artist Camp Entertainment Management.

Si Rona ay unang nakilala sa larangan ng pagkanta nang maging student ni Boots Arbarachi ng Metro Center Pop For Music. Hanggang sa maging mahusay sa pagbirit at maraming sinamahang shows. Naikot na rin niya ang maraming lalawigan para maging isa sa mga performer sa mga kapistahan. At dito nag-ugat ang lahat kung kaya’t madalas siyang naiimbitahan sa mga malalaking show o para maging panauhin sa mga concert.

Si Rona rin ang tinaguriang Princess of Youtube Concert.

Sinabi pa ni Rona na bata pa s’ya ay talagang pangarap na n’ya ang pumasok sa larangan ng musika. Kahit kailan ay hindi s’ya tumigil o nagpabaya na halos araw-araw ay nakatutok sa harap ng telebisyon na  pinanonood ang lahat ng uri o iba’t ibang live show.

Kaya kitakits po tayo sa Dec. 12 sa Music Box para malaman ninyo kung bakit siya tinaguriang Princess of Youtube Concert. (Manny Camacho)

About hataw tabloid

Leave a Reply

Your email address will not be published. Required fields are marked *

*

Scroll To Top