Wednesday , September 30 2020
Breaking News
You are here: Home / Showbiz / Jeric at Jeron Teng, showbiz na showbiz na ang dating

Jeric at Jeron Teng, showbiz na showbiz na ang dating

UNTI-UNTING nagpapakitang-gilas sa showbiz ang magkapatid na Jeric at Jeron Teng.

Noong Linggo ay dumalo sila sa 27th PMPC Star Awards for Television sa AFP Theater na silang dalawa ay ginawang presentor.

Kahit kagagaling lang si Jeric sa laro ng PBA para sa Rain or Shine kontra Ginebra sa Araneta Coliseum ay hindi ito nagpakita ng kaunting pagod at natalo pa ang kanyang team.

Katunayan, parehong kering-keri sina Jeric at Jeron sa kanilang suot na tuxedo habang kasama nila ang kanilang mga magulang na sina Alvin at Susan Teng.

Kung tutuusin, magaling mag-basketball sina Jeric at Jeron dahil dating player ng San Miguel Beer ang kanyang ama.

Mula noong naglaban silang dalawa sa finals ng UAAP para sa UST at La Salle ay abala ang magkapatid sa mga TV guestings sa iba’t ibang mga estasyon.

Naging guest pa nga si Jeron sa isang episode ng teleseryeng Got To Believe nina Kathryn Bernardo at Daniel Padilla ng ABS-CBN.

Sa gitna ng kanilang paminsan-minsang pagsabak sa showbiz, iginiit ni Susan na prioridad ng kanyang dalawang anak ang kanilang paglalaro sa basketball.

Bukod dito, nag-aaral si Jeron sa La Salle habang naglalaro siya sa Green Archers.

Sa aming matagal na pagiging sportswriter at movie columnist dito sa Hataw, nakikita natin ang ilang mga manlalaro ng PBA na nakikihalo rin sa showbiz tulad nina James Yap, Chris Tiu, Dondon Hontiveros at marami pang iba.

Sana ay pag-isipan nila na ang basketball at ang showbiz ay magkaibang mundo at kailangang isa lang ang dapat piliin sa kanilang karera.

(JAMES TY III)

About hataw tabloid

Leave a Reply

Your email address will not be published. Required fields are marked *

*

Scroll To Top