Tuesday , September 22 2020
Breaking News
You are here: Home / Sports / Roach tinadyakan ni Ariza

Roach tinadyakan ni Ariza

LALONG umiinit ang magiging paghaharap nina Manny Pacquiao at Brandon Rios sa Linggo sa Macau, China nang nauna nang magkaupakan ang kani-kanilang trainers sa boxing gym ng Venetian Hotel.

Noong Miyerkoles, November 20 ay nagkasalpukan ang dalawang grupo dahil sa di pagkakaunawaan.

Pasadong 11 am ng araw na iyon nang atasan ni Freddie Roach si Gavin McMillan, bagong conditioning coach ni Pacquiao, para alamin kung tapos nang gamitin ng grupo ni Rios ang Gym na nakareserba doon simula 9-11am, pero na-delay ang simula ng ensayo nila dahil sa interview ng ESPN.

Nang dumating si McMillan sa gym ay halos patapos na si Rios sa kanyang workout sa “elliptical machine.”

Sumugod sa gym si Roach at sinabihan si trainer Garcia na lisanin ang venue dahil tapos na ang oras nila.

Sumagot si Garcia, “We got 30 more minutes” na sinagot naman ni  Roach ng, “No you don’t you only got until 11 o’clock.”

“Well we were here because we got some interviews with ESPN, we ain’t going nowhere,” depensa ni Garcia.

Sumagot si Roach, “That’s not my fault. Get the f*** out of here.”

“It ain’t my fault either, I ain’t going nowhere,” sigaw ni Garcia.

Sa palitan ng diskusyon  ng dalawa ay natawag ni Roach na “piece of shit” si Garcia nang pumasok naman sa eksena si Alex Ariza, ang dating conditioning coach ni Pacquiao na lumipat na sa kampo ni Rios.

Sumali sa sigawan si Ariza na pinalalayas si Roach sa gym.  Tuloy ang salitaan ng dalawang kampo hanggang sa tudyuin ni Ariza si Roach na nagtataglay ng Parkinson’s disease.

Nang sumugod si Roach kay Ariza ay doon na nagpakawala ng isang sipa ang huli na ikinaatras ng una.

Lalong uminit ang bangayan ng dalawang grupo at naawat lang nang makialam na ang miron sa paligid para awatin ang nagbabangayan.

About hataw tabloid

Leave a Reply

Your email address will not be published. Required fields are marked *

*

Scroll To Top