Friday , September 25 2020
Breaking News
You are here: Home / Showbiz / Helga Krapf, naglayas!

Helga Krapf, naglayas!

HINDI biro ang maging positibo sa HIV. Kaya naman kahit sino ang magkaroon nito, tiyak na matatakot, malilito, at maghahanap ng mga katanungan kung kanino at kung saan ito nakuha.

Ito ang nangyayari ngayon kay Martin Escudero sa serye ng TV5, ang Positive na patuloy na naghahanap ng kasagutan sa kung kaninong babae o naka-sexy niya nakuha ang HIV.

Ngayong Huwebes sa Positive, makukumbinse na si Carlo (Martin) ng kanyang HIV peer counselor na si Anne (Bianca Manalo) na sabihin na sa kanyang pamilya ang tunay niyang kalagayan. Dahil dito, mapipilitan si Janis (Helga Krapf) na magpa-HIV test para na rin sa kanyang magiging anak.

Mababahala naman si Esther (Bing Loyzaga) sa palagiang pagtatalo ng kanyang anak at ng asawa nito. Sa kanyang pag-uusisa mula sa kanyang anak, aaminin ni Carlo na mayroon siyang AIDS.

Dahil hindi matanggap ni Janis ang mga nangyayari sa kanilang buhay, maglalayas ito sa kanilang bahay at iiwanan ang kanyang asawang si Carlo.

Mapatatawad pa ba ni Janis ang kanyang asawa? Paano tatanggapin ni Esther ang balitang may AIDS ang anak niya?

Lahat ng ito’y masasagot sa Huwebes kaya tutok lang sa painit na painit na mga tagpo sa Positive, sa Huwebes, 9:00 p.m.sa TV5!

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top