Friday , October 2 2020
Breaking News
You are here: Home / Sports / Big Chill hahataw ng ika-5 panalo (Kontra Accelero)

Big Chill hahataw ng ika-5 panalo (Kontra Accelero)

HAHATAW ng ikalimang sunod na panalo ang Big Chill kontra nangungulelat na Derulo Accelero sa 2013-14 PBA D-League Aspirants Cup mamayang 2 pm sa Ynares Arena sa Pasig City.

Pinapaboran din ang nagtatanggol na kampeong NLEX at Jumbo Plastic kontra sa magkahiwalay na kalaban. Makakaduwelo ng Road Warriors ang National University-Banco de Oro sa ganap na 4 pm. Magtutunggali naman ang Giants at Arellano University/Air 21 sa ganap na 12 ng tanghali.

Ang Superchargers ay namamayagpag at may apat na sunod na panalo.

Subalit sa kanilang huling laro ay dumaan sila sa butas ng karayom bago nalusutan ang Cebuana Lhuillier, 81-78.

Ayon kay coach Robert Sison ay hindi nila puwedeng biruin ang Derulo Accelero kahit pa wala itong panalo sa limang games.

Ang Derulo Accelero ay hawak ni coach Paolo Mendoza at binubuo ng core ng University of the Philppines Fighting Maroons.

Sinimulan ng Road Warriors ang pagdepensa sa korona noong Lunes nang tambakan nila ang Arellano/Air 21, 93-60.

Ang NLEX ay binubuo naman ng core ng San Beda Red Lions na nagkampeon sa NCAA. Kabilang sa mainstays ng koponan sina Olaide Adeogun, Art dela Cruz, Baser Amer, Rome dela Rosa at Kyle Pascual.

(SABRINA PASCUA)

About hataw tabloid

Leave a Reply

Your email address will not be published. Required fields are marked *

*

Scroll To Top