Thursday , March 28 2024

Pinay model todas sa bugbog ng Kano

111513 aiko baniqued moore
ARESTADO sa mga tauhan ng Makati Cty Police Investigation Section ang American national na si James Edward Moore II na pinatay sa bugbog ang misis niyang Filipina model na si Aiko Baniqued Moore sa kanilang unit sa Rockwell Amorsolo West condominium sa Makati City. (ALEX MENDOZA)

BINAWIAN ng buhay ang isang 28-anyos Filipina model makaraang bugbugin ng kanyang Amerikanong mister.

Si Aiko Baniqued Moore ay isinugod sa Makati Medical Center kamakalawa ng gabi ngunit idineklarang dead on arrival ng mga doktor.

Ang suspek na apat taon nang mister ng biktima, na si James Edward Moore II, aka Jim Moore, ay nadakip ng mga security guard ng Rockwell Amorsolo West.

Ayon kay Anna, best friend ni Mrs. Moore, ipinagtapat sa kanya ni Aiko na madalas siyang bugbugin ng kanyang mister.

Ang pinakahuling insidente ay dakong 4 p.m. kamakalawa sa unit 4-G ng Rockwell Amorsolo West condominium, kung saan nakatira ang mag-asawa.

Aniya, sinabi ng mga pamangkin ng biktima na sina Cristina Rose, at Marvin Sunga, personal assistant ng biktima, nasaksihan nila ang suspek na binubugbog ang kanyang misis at iniuuntog ang ulo sa pader at pagkaraan ay pinosasan ang biktima.

Pinakawalan ng mga testigo ang biktima ngunit hinabol siya ng kanyang mister at nahuli malapit sa condominium elevator. Anila, muling iniuntog ng suspek ang ulo ng biktima sa pader.

Mabilis nakapagresponde ang security personnel ng condominium at tumawag ng ambulansiya para sa biktima.

Tumakbo ang suspek patungo sa kanilang unit at nagtangkang magpakamatay sa pamamagitan ng paglaslas sa kanyang lalamunan.

Isinugod ng mga pulis ang suspek sa Ospital ng Makati para malapatan ng lunas at mahigpit na binabantayan.

(JAJA GARCIA)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *