Monday , September 28 2020
Breaking News
You are here: Home / News / 2 wanted timbog sa hideout

2 wanted timbog sa hideout

NAGWAKAS ang matagal nang pagtatago ng da-lawang pinaghahanap ng batas matapos masakote sa saturation drive ng mga awtoridad sa mga pugad ng masasamang loob sa Caloocan City kamakalawa ng hapon.

Kulong ang mga suspek na kinilalang sina Santiago Mamaril, 41, ng Bonifacio Market, may kasong pagtutulak ng droga,  at Anduy Rosales, 42, ng Victoria North Subdivision Brgy. Potrero, Malabon City, may kasong illegal gambling.

Sa ulat ni Supt. Ferdie del Rosario, hepe ng Station Investigation Division (SID) ng Caloocan Police, isang impormasyon ang natanggap ng kanyang tanggapan tungkol sa isang bilyaran sa loob ng Bonifacio Market ng nasabing lungsod na ginagawang pugad ng mga masasamang loob at nagtatago sa batas.

Dakong 2:14 p.m. kamakalawa ay sinuyod ng mga awtoridad ang pugad at nadatnan ang mga lalaking nagsusugal kaya dinala sa himpilan ng pulisya.

Sa isinagawang beripikasyon, nabatid na may standing warrant of arrest ang dalawang suspek habang ang karamihan naman sa mga dinakip na walang record ay pinauwi na. (ROMMEL SALES)

About hataw tabloid

Leave a Reply

Your email address will not be published. Required fields are marked *

*

Scroll To Top