HATAW! D'yaryo ng Bayan hatawtabloid.com
DADALHIN ngayong araw sa Supreme Court ang abo ni dating Chief Justice Andres Narvasa na inaasahang idaraan sa en banc session hall ng Kataastaasang Hukuman.
Ayon sa public information office ng SC, mayroong gagawing programa bilang pag-alala at pagkilala sa naging buhay at serbisyo ng dating punong mahistrado.
“Full honors, as befitting his stature as a former Chief Justice, will be rendered by the Philippine National Police… Please expect partial closure of Padre Faura (UP Manila to DoJ) from 7 to 9:15 a.m., Monday, Nov. 4,” ayon sa abiso.
Una rito, pinag-aaralan na rin ng Palasyo ang special citation na maaaring igawad sa namayapang si Narvasa.
Sinabi ni Presidential Deputy Spokesperson Abigail Valte, aalamin niya kay Pangulong Benigno Aquino III kung anong award ang nararapat kay dating CJ Andres Narvasa na nagbigay ng kontribusyon sa bansa lalo na sa hudikatura.
Nagsilbi si Narvasa bilang chief justice ng Filipinas mula Disyembre 1, 1991 hanggang Nobyembre 30, 1998.
Naging bahagi siya ng Agrava Fact-Finding board na nanguna sa imbestigasyon sa pagpatay noon kay dating Senator Benigno “Ninoy” Aquino, Jr., ang ama ni Pangulong Aquino.
Noong impeachment trial kay dating Pangulong Joseph Estrada, na ngayon ay Manila mayor, naging bahagi siya ng legal defense team.
