Sunday , November 29 2020
Breaking News
You are here: Home / Showbiz / Ynna, na-hurt nang pagbintangang dahilan ng hiwalayang Derek at Cristine

Ynna, na-hurt nang pagbintangang dahilan ng hiwalayang Derek at Cristine

KASALUKUYAN kaming kumakain ng early dinner ng aming patnugot dito saHataw na si ateng Maricris V. Nicasio sa Grup Restaurant sa ELJ Building nang dumaan si Ynna Asistio patungo sa pictorial ng Christmas Station ID ngABS-CBN at sandali naming tinawag para iklaro ang tungkol sa kanila ni Derek Ramsay.

Kaagad namang nagpaliwanag ang dalaga tungkol sa kanila ng aktor.

“Medyo na-hurt lang po ako talaga sa (mga) tao kasi ang dami talaga (bashers), pero ngayong nakapagsalita na si Derek, ipinagtanggol ako, so thank you rin doon. Parang gusto kong sabihin sa mga tao, ‘o, ano ngayon?’ Ang dami talaga, kaya medyo nag lie-low din ako sa social media,” say ni Ynna.

Itinuturong si Ynna raw ang dahilan ng paghihiwalay nina Derek at Cristine Reyes.

Base sa kuwento ng batang aktres ay parati silang magkasama ni Derek sa lakaran bilang barkada at hindi pa raw girlfriend ng aktor noon si Cristine.

“Lumalabas po kami as barkada, hindi pa sila noon ni AA (tawag kay Cristine), hindi pa kami lumabas na dalawa lang po.

“Nagpunta ako sa opening ng website ng tito ko, na My Match, My Mingle parang ganoon and ‘yung pangalawang labas po namin, ‘yung FIBA, basketball, sinama niya ako, pero ang problema po kasi roon, kasama ko siya (Derek) sa chair, pero kasama ko po mga kapatid ko, pero nahiwalay kami. Kaya ang tingin ng tao, parang nag-date kami ni Derek,” kuwento pa ni Ynna.

Ayon pa kay Ynna ay nakapunta na siya sa bahay ni Derek sa Paranaque City at kasama niya ang mommy niyang si Nadia at mga kapatid niya.

Mas nauna raw naging close ng mama ni Ynna si Derek kaysa kanya dahil at that time ay kakahiwalay palang niya sa ex-boyfriend niyang si Mark Herras.

“Hindi po kami ganoon ka-close noon kasi kakahiwalay ko lang kay Mark, pero sila ni mommy matagal ng close, long time ago na at talagang naging barkada na kami,” say ni Ynna.

Ayon pa sa dalaga ay magkaibigan sila ni AA at nag-uusap sila ng aktres at alam daw nito ang relasyon nila ni Derek bilang magkaibigan lang kaya walang selosang nangyayari.

“Kaya nagulat ako sa isyu, feeling ko kaya ako nadamay kasi alam ng tao na lumalabas kami (Derek) bago naging sila (Cristine), parang ganoon,” say pa ng dalaga.

Samantala, in speaking terms na sina Ynna at Mark at magkaibigan na lang daw sila ngayon pero nagtanong daw ang aktor kung nanliligaw sa kanya si Derek at sinabi niyang hindi, saka lang tumigil.

So, nagseselos si Mark kay Derek, ”ay hindi ko po alam, tanungin n’yo po siya (Mark),” natawang sabi ni Ynna.
Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top