Sunday , September 27 2020
Breaking News
You are here: Home / Showbiz / Martin Escudero, nagpa-HIV test!

Martin Escudero, nagpa-HIV test!

ISANG HIV-positive ang role na gagampanan ni Martin Escudero sa pinakabagong drama series ng TV5 na eere sa October 17.

Sa HIV-themed series na Positive, gaganap si Martin bilang si Carlo, isang Operations Manager ng isang call-center company na biglang magbabago ang ikot ng buhay nang malamang positibo sa HIV. Dito magsisimula ang kanyang paghahanap kung sino ang nakahawa sa kanya, habang kanyang ikinakatakot na mahawahan ang kanyang buntis na asawa.

Dahil sensitibo ang tema ng show ay maingat at mabusisi raw ang naging paghahanda ng TV5 at ni Martin para sa bagong seryeng ito. Ani Martin, maging siya ay sumailalim sa mga workshops at immersion kasama ang mga HIV-positive resource speakers ng AIDS Society of the Philippines. Dahil dito, maging si Martin ay nag-volunteer magpa-HIV test.

“Nag-presenta ako, ‘Gusto ko magpa-test!’ hindi lang dahil sa show o para lang malaman ‘yung status ko kung hindi para masabi ko na hindi siya ganoon kasama”  sey ni Martin.

Bukod sa kagustuhan na makatulong for HIV awareness, gusto rin ni Martin na mapagdaanan ang proseso ng pagpapa-test for HIV.

“Kailangan ko pagdaanan lahat para hindi lang siya inaarte. Gusto ko maging totoo lahat.”

Sa rami ng mga nagkakaroon ng HIV sa Pilipinas, mukhang napapanahon naman nga na magkaroon ng isang teleserye na tatalakay sa isyung ito. Wish namin na sana ay makatulong ang show na maging mas mulat ang lahat tungkol dito.

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top