Thursday , September 24 2020
Breaking News
You are here: Home / Showbiz / Boss, iprinoprotesta ng production staff dahil sa sobrang pagpa-power trip

Boss, iprinoprotesta ng production staff dahil sa sobrang pagpa-power trip

HINDI na kami magtataka kung isang araw ay iprotesta ng buong production staff ang isa sa boss nila dahil nagpa-power trip daw at may favoritism.

Marami kaming narinig na reklamo ng staff tungkol sa isa sa boss nila, bagay na hindi na namin ikinagulat dahil ganito rin pala ang ugali ng nasabing boss noong nasa ibang TV network pa siya at sa katunayan ay nagkaroon nga raw ng protesta laban sa kanya kaya lumipat na siya ng ibang TV network.

Samantala, hindi lang pala mga staff ang hindi kasundo ng isa sa boss ng programa kundi maging ang hosts ay ayaw din sa boss.

Kaya nga umalis na ang isa sa host dahil hindi kinaya ang power trip ng isa sa boss.

Puring-puri naman ng production staff ang pinaka-bossing ng show dahil magalang daw itong makipag-usap sa tao, marunong maglambing at higit sa lahat pantay-pantay ang trato sa lahat.

Sa madaling salita kapag ganito karami ang may ayaw sa nasabing boss ay posibleng iprotesta siya at ilipat ulit? Eh, saang TV network siya lilipat pa, eh, napuntahan na niya lahat, maliban sa UNTV at Net 25.

(Reggee Bonoan)

About hataw tabloid

Leave a Reply

Your email address will not be published. Required fields are marked *

*

Scroll To Top