Friday , October 2 2020
Breaking News
You are here: Home / Sports / Scalpers pinaghahanap

Scalpers pinaghahanap

SUSPENDIDO ang staff sa Araneta Coliseum matapos putaktihin ng batikos ng mga estudyante sa social networking site.

Ubos na kasi ang ticket para sa UST vs La Salle Game 2 Finals ng 76th UAAP senior basketball tournament at halos lahat ay napunta sa mga scalpers.

Nakita sa Facebook account ng isang estudyante ang transaksyon ng isang scalper at opisyal mismo ng Big Dome.

Nagbenta ang TicketNet ng Game 2 passes noong Huwebes ng umaga sa booth ng Araneta Coliseum at hanggang dalawang ticket lang ang puwedeng bilhin bawat tao.

Lulugo-lugo ang mga estudyante nang i-anunsyo na ubos na ang ticket na binebenta subalit umusok ang ilong na mga ito nang biglang may sumulpot na scalpers at may dalang ticket sa halagang P2,500.

May ibinandera pang ticket ang isang scalper sa internet kasama ang gintong presyo.

Alam ng scalpers na pinaghahanap na sila kaya naman biglang naglaho ang mga ito at patagong nagbebenta ng ticket.

Upang maiwasan ang pang-aabuso sa pesyo ng mga tickets nagpaalala ang UAAP sa mga fans na huwag bumili sa mga scalpers.

(ARABELA PRINCESS DAWA)

About hataw tabloid

Leave a Reply

Your email address will not be published. Required fields are marked *

*

Scroll To Top