Monday , September 28 2020
Breaking News
You are here: Home / Sports / Petron vs RoS

Petron vs RoS

HINDI  magkokompiyansa ang Petron Blaze kahit pa kulang sa manlalaro ang Rain Or Shine at sisikaping maipagpatuloy ang kanilang winning streak sa Game One ng 2013 PBA Governors Cup best-of-five semifinal round mamayang 7 pm sa Smart Aaneta coliseum sa Quezon City.

Bukod sa pagkakaroon ng nine-game winning streak, lalong naging paborito ang Petron dahi sa pangyayaring hindi makakasama ng Rain or Shine si Paul Lee na nagtamo ng torn calf muscle sa laro nila kontra Global Port noong Huwebes. Tinalo ng Elasto Painters ang Batang Pier, 108-106 upang makadiretso sa semis at magkaroon ng tsansang maidepensa ang korona.

Madaling ruta din patungong semis ang tinahak ng Boosters nang talunin  nila ang Barangay Ginebra San Miguel, 101-94 noong Myerkoles. Iyon ang kanilang ikasiyam na sunod na panalo matapos na matalo sa kanilang unang laro sa torneo.

Bagama’t pinapaboran ang Petron ay ayaw ni coach Gelacaio Abanilla III na magkompiyansa ang kanyang mga bata. Kasi’y alam ni Abanilla na mahirap kalaban ang Elasto Painters lalo’t underdogs ang mga ito.

Ang Petron ay nanaig kontra Rain or Shine, 99-84 sa elimination round noong Agosto 23.

Pero sa larong iyon ay hindi pa masyadong pumuputok ang mga Gilas Pilipinas members na sina Jeff Chan at Gabe Norwood na ngayon ay nakabawi na sa dating porma.

Bukod sa dalawang ito ay umaasa rin si Rain or Shine coach Joseller “Yeng”  Guiao sa mga locals na sina Beau Belga, Ryan Arana, Chris Tiu, JR Quinahan at Ronnie Matias.

Sa import match-up ay magtutuos sina Elijah Millsap ng Petron at Arizona Reid ng Rain Or Shine.

Si Millsap, ayon sa mga ekserto, ang siyang pinakamahusay sa mga imports ng kasalukuyang torneo. Si Reid naman ang Best Import ng torneo dalawang taon na ang nakalilipas.

Si Millsap ay susuportahan nina  Arwind Santos, Alex Cabagnot, Chris Lutz, Marcio Lassiter at June Mar Fajardo.

Ang magwawagi sa seryeng ito ay makakalaban ng mananalo sa kabilang serye sa pagitan ng SanMig Coffee at Meralco sa best-of-seven Finals.

Ni sabrina pascua

About hataw tabloid

Leave a Reply

Your email address will not be published. Required fields are marked *

*

Scroll To Top