Monday , September 28 2020
Breaking News
You are here: Home / Bulabugin / Suspension ilabas na agad ng Ombudsman

Suspension ilabas na agad ng Ombudsman

00 Bulabugin JSY

HUMIHIRIT ang Ombudsman na sa dami ng ebidensiyang ipinasa ng Department of Justice (DoJ) at National Bureau of Investigation (NBI) ay baka abutin pa sila hanggang 2014 bago maisampa ang mga kaso laban sa mga sangkot sa P10-billion pork barrel scam.

Ang swerte mo naman Janet Lim Napoles!

Magkaganoon man ‘e marami ang humihiling na sana ay suspendihin na rin agad ang mga sangkot na mambabatas o kaya ay kusa silang maghain ng leave of absence para hindi nila magamit ang kanilang posisyon at impluwensiya sa kasong isinampa laban sa kanila.

Isama na rin na i-freeze ang kanilang bank accounts and other properties.

Lalo na nga raw ‘yang si Tanda, Sexy at Pogi!

O hindi ba?!

Kung talagang malinis ang konsensiya ninyong mga mambababoy ‘este’ mambabatas kayo ‘e  maghain na kayo ng leave of absence para naman maramdaman ng sambayanan na seryoso ang pamahalaang ito na parusahan ang mga government officials na walang ginawa kundi LUSTAYIN ang kwarta ng bayan.

Madam Conchita Carpio Morales, malinaw naman na mayroong probable cause, bakit hindi pa ilabas ang preventive suspension para naman may makitang ‘aninaw ng katarungan’ ang sambayanan.

Suspendihin na sina Tanda, Pogi, Sexy atbp!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

About hataw tabloid

Leave a Reply

Your email address will not be published. Required fields are marked *

*

Scroll To Top