HATAW! D'yaryo ng Bayan hatawtabloid.com
Dead-on-arrival sa Ospital ng Sampaloc ang 13-anyos na batang lalaking kinilalang si Joel Realista, matapos masagasaan ng Isuzu pick-up sa tapat ng Barangay 458, Zone 45, Earnshaw Street, Sampaloc, Maynila.
Ayon sa barangay tanod na si Roland de Guzman, isang saksi ang nakakita sa naturang sasakyan nang masagasaan ang biktima habang naglalakad sa nasabing kalye kasama ng kanyang kuya.
Sa paunang imbestigasyon ng mga awtoridad, napag-alamang galing sa isang computer shop ang magkapatid at pauwi na ng kanilang bahay nang maganap ang aksidente.
Naplakahan naman ang sasakyan, WMM 990, ayon sa tauhan ng barangay.
Nagsasagawa na ng imbestigasyon ang Manila traffic police para sa ikahuhuli ng driver ng nasabing sasakyan.
(LEONARD BASILIO)
