Friday , October 2 2020
Breaking News
You are here: Home / Sports / Mitchell puro opensa lang

Mitchell puro opensa lang

KULANG talaga sa depensa ang import na si Tony Mitchell ng Talk N Text.

Kumbaga’y one-dimensional player lang siya. Puro opensa.

Kapag nag-init siya nang husto ay mahirap siyang mapigilan.

Pero kapag minalas siya o nabantayan nang husto, hindi naman siya makabawi sa kabilang dako ng hardcourt o sa pamamagitan ng depensa.

Kasi nga’y palaging sinasabi ng mga coaches na madaling dumating ang opensa sa isang mahusay na manlalaro. Nandiyan na iyan palagi.

Ang mahirap ay ang ipakita na kaya din niyang dumepensa kapag minamalas na siya. Doon kasi siya dapat bumawi.

Ito ang nangyari kay Mitchell noong Miyerkoles nang magkalat siya sa first half.

Sa kabuuan, si Mithcell ay nalimita sa pitong puntos lamang at tila napundi si Talk N Text coach Norman Black sa kawalan niya ng depensa kung kaya’t ibinangko na lang siya sa second half.

Inilabas siya ni Black matapos lang ang unang dalawang minuto ng third quarter at hind na ibinalik pa pagkatapos nun.

Ewan natin kung magkakaroon ng hidwaan sa pagitan nina Black at Mitchell.

Ewan natin kung mareresolba kaagad ang differences nilang dalawa.

Ewan natin kung tatanggapin ni Mitchell nang maluwag ang nangyari sa kanya.

Kasi kung mamasamain ni Mitchel iyon, aba’y maaapektuhan ang performance niya at ng Talk N Text kontra Air 21 mamayang gabi.

Sigurado namang may back-up import ang Talk N Text pero hindi naman makakarating kaagad iyon.

So, anu’t anuman, dapat ay maayos na muna ang sitwasyon ni Mitchell para bukas.

Sabrina Pascua

About hataw tabloid

Leave a Reply

Your email address will not be published. Required fields are marked *

*

Scroll To Top