Friday , March 29 2024

Letran vs Lyceum

Kahit na nag-iisa sa itaas ng standing, hindi pa rin magpapabaya ang Letran Knights na umaasang makakaulit kontra Lyceum Pirates sa 89th National Collegiate Athletic Association (NCAA) Men’s Basketball Tournament mamayang 6 pm sa The Arena sa San Juan.

Sa unang senior division game sa ganap na 4 pm ay maghihiwalay ng landas ang San Sebastian Stags at Emilio Aguinaldo College Generals na ang layunin ay makaakyat sa ika-apat na pwesto.

Nanguna ang Knights pagkatapos ng first round sa kartang 8-1 at pagkatapos ay sinimulan ang second round sa pamamagitan ng 77-70 panalo kontra Mapua Cardinals noong Sabado.

Sa kanilang unang pagkikita ay dinaig ng Letran ang Lyceum, 61-53, noong Hulyo 20.

Magkaganito man ay ayaw ni coach Caloy Garcia na maliitin ng kanyang mga bata ang kalaban.

Ang Knights ay pinamumunuan ng sentrong si Raymond Almazan, na siyang leading kontender para sa Most Valuable Player award. Ang 6-7 na si Almazan, isang two-time defensive player of the year, ay nakatakdang lumahok sa PBA rookie draft na gaganapin sa Nobyembre.

Ang iba pang inaasahan ni Garcia ay sina Mark Cruz, Kevin Racal, Ford Ruaya, Rey Nambatac at Jonathan Velorio.

Ang Pirates ni coach Bonnie Tan ay kasosyo ng Arellano Chief sa ikawalong puwesto sa record na 3-7. Ang tanging eye-popping win ng Lyceum ay kontra defending champion San Beda (70-66) noong Hulyo 4. Subalit wala na silang napabagsak na iba pang heavy weight sa torneo.

Kapwa may 4-5 records ang Stags at Generals. Ang magwawagi sa kanila ay tatabla sa Jose Rizal Heavy Bombers (5-5) at magkakaroon ng mas magandang tsansang makaabot sa Final Four.

Buong-buo na ang loob ng mga rookies ni coach Topex Robinson na ngayo’y animo mga beterano na. Kabilang dito sina  Leodaniel De Vera, Bradwyn Guinto, Jamil Ortuoste at C-Jay Perez.

Ang Generals ay sumasandig kay Cedric Happi Noube na isa sa mga katunggali ni Almazan para sa MVP award. Si Noube ay sinusuportahan nina John Jamon, Igee King at Jolas Paguia.

(SABRINA PASCUA)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *