4-anyos nene warat sa 22-anyos kapitbahay

MAAGANG napariwara ang buhay ng isang batang ba­bae na sa musmos na gu­lang ay walang awang gina­hasa ng hayok na kapit­bahay sa Pandi, Bulacan kahapon.

Kinilala ni Chief Insp. Avelino Protacio, hepe ng Pandi police, ang suspek na si Mark Jason Monilla, 22-anyos at residente sa Brgy. Cacarong, sa naturang bayan.

Nabatid sa ulat, ang biktima, isang 4-anyos nene, residente sa Sitio Bitukang Manok sa nabanggit na barangay ay naglalaro sa harap ng kanilang bahay nang tawagin ni Mark para papasukin sa loob ng bahay.

Sa loob ng ba­hay, biglang kinaladkad ng suspek ang bata sa loob ng banyo at doon ginahasa. Hustong nakaraos ang suspek nang tawagin ng ama ang bata kaya nag-panic at mabilis na pinalabas ng bahay ang biktima na noon ay iika-ika sa paglakad. Habang nagpa-palahaw ng iyak, isinalaysay ng bata sa ama ang gina-wang sa kanya ng suspek sa loob ng banyo.

Agad humingi ng ayuda ang ama sa mga barangay tanod ng Brgy. Cacarong Matanda na nagresulta sa pagkakaaresto kay Mark saka nila isinuko sa Pandi police.Kasalukuyang ma­kapiit ang suspek sa Pandi municipal jail habang iniha­handa ang kasong paglabag sa RA 8353 na may kaug­nayan sa RA 7610.

(MICKA BAUTISTA)