P.3-M nadale ng salisi gang

TINATAYANG aabot sa P300,000 ang nakulimbat ng isang babaeng miyem­bro ng umano’y Salisi Gang, mga tseke, mama­haling gamit, cash, gadget at iba pa sa isang nego­syante sa loob ng clinic sa Muntinlupa City, Sabado ng hapon.

Halos manlumo nang dumulog sa himpi­lan ng Muntinlupa City Police ang biktima na kinilalang si Suzette Lavin, 44, upang irekla­mo ang nangyaring pag­nanakaw.

Patuloy pang inaalam ng pulisya ang pagka­kakilanlan ng babaeng suspek.

Base sa ulat, Sabado ng hapon dakong 5:44 nang mangyari ang pananalisi ng suspek sa loob ng Medicad Clinic Wellness Lane, sa ikatlong palapag ng Festival Mall, Barangay Alabang,sa Muntinlupa City.

Sinasabing nalingat umano sandali ang bikti­ma at bigla na lamang nawala ang assorted checks na nagkakahalaga ng P150,000; Givenchy bag na may halagang P100,000; P20,000 cash; Apple iPad -P13,000; BDO bank deposit slip para sa bayad sa AOFOG na P15,800; ATM cards, credit cards, flash drive at receipt booklet.

Sinusuri ng awtori­dad ang kuha ng CCTV sa lugar upang matukoy ang pagkakakilanlan ng babae at kung ito ay may mga kasabwat.

Nagsasagawa ng follow-up operations ang mga pulis sa nasabing insidente.

 (JAJA GARCIA)