Tuesday , December 11 2018
Breaking News
You are here: Home / News / GRO ‘di natikman videoke bar niratrat 4 patay (Sa Cagayan)

GRO ‘di natikman videoke bar niratrat 4 patay (Sa Cagayan)

APAT katao ang patay makaraan pag­babarilin ng mga suspek ang isang videoke bar nang hindi pumayag na makipagtalik sa kanila ang isang GRO sa bayan ng Lal-lo sa lalawigan ng Cagayan, kamakalawa.

Sa kuha ng CCTV, kilala na ang mga suspek sa pamamaril, ayon sa ulat ng mga pulis kaha­pon.

Nakita sa CCTV, ka­ga­galing ng mga suspek sa videoke bar at may kasamang isang babaeng GRO.

READ MORE:  Killer ni Kenneth Chua timbog sa ATM card (Kinasuhan ng homicide)

Sa inisyal na imbesti­gasyon ng mga pulis, ina­ya umano ng mga lalaki ang babae na makipag­talik ngunit tinanggihan sila bagay na ikinagalit ng mga suspek.

Samantala, sa isa pang kuha ng CCTV, makikitang dumating ang may-ari ng videoke bar para sunduin ang kani­yang GRO. Ngunit naki­pagtalo sa kaniya ang isa sa mga lalaki.

Hindi na nakuhaan ng CCTV ang mga sumunod na pangyayari ngunit ayon sa mga pulis, buma­lik sa videoke bar ang mga suspek at hinanap ang nawawala nilang cellphone.

READ MORE:  Ina, 2 anak minasaker ama nag-suicide

Muli silang nagkaroon ng pakikipagtalo sa may-ari ng bar hanggang mag­pa­putok ng baril ang mga suspek.

Patay ang apat na magkakamag-anak sa insidenteng iyon, kabilang ang may-ari ng bar.

Positibong kinilala ng isang saksi ang mga suspek sa tulong ng CCTV footage.

Nag-alok ng P50,000 pabuya ang lokal na pamahalaan ng Lal-lo sa sinomang makapag­bibigay ng impormasyon para sa ikadarakip ng mga suspek.

READ MORE:  6 flights kanselado

Hindi umano ito ang unang pagkakataon na may namaril sa isang videoke bar sa kanilang lugar.

“Because of this ano­ther unfortunate incident, the local government of Lal-lo decided to close all the videoke bars,” pahayag ni C/Supt. Mario Espino, director ng Police Regional Office 2.

HATAW News Team

COMMENTS

About hataw tabloid

Scroll To Top
 

Copyright hatawtabloid.com | All Rights Reserved