Wednesday , November 21 2018
Breaking News
You are here: Home / Showbiz / Paolo, iba ang humor — Alessandra
Paolo, iba ang humor — Alessandra

Paolo, iba ang humor — Alessandra

Samantala, istorya ni Alex ang Through Night & Day pero dahil busy siya sa taping ng Since I Found You ay hindi niya nagawang tapusin kaya pinatapos niya ito sa kaibigan niyang si Noreen Capili na isa sa scriptwriter ng mga programa ng ABS-CBN at may-akda ng mga librong The Goodbye Girl at Parang Kayo Pero Hindi na nilimbag naman ng Anvil Publishing, Inc..

Noong nabuo na ni Alex ang kuwento ng pelikula ay si Paolo Contis talaga ang nasa isip niyang maging leading man dahil nga inspired ito sa friendship nilang matagal na.

READ MORE:  Alessandra, na-hurt na naging taga-abot lang ng kape kay Piolo

“Kasi sa kuwento, 20 years nang magkaibigan sina Ben (Paolo) at Jen (Alessandra) tapos 13 years silang naging magkarelasyon, so dapat kilalang-kilala na nila ang isa’t isa, so si Paolo nga kasi matagal na kaming magkaibigan, mga bata pa kami sa ABS-CBN kasi schoolmate kami sa Distance Learning Center (DLC). Tapos noong nag-GMA, ilang beses kaming nagkasama sa show tapos may movie rin kami, so kumbaga sobrang kilala na,” paliwanag ni Alex.

Sa tanong namin na hindi ba siya nagkagusto kay Paolo noong mga bagets pa sila? “Hindi, kasi feeling ko kadugo ko siya since pareho kaming Italyano,” say ng dalaga.

READ MORE:  Alessandra-Paolo at JM-Rhian, magsasalpukan sa Miyerkoles

Parehong half-Italian sina Paolo at Alessandra dahil parehong Italyano ang tatay nila at mga nanay ay pawang mga Pinay.

Komedyante rin si Paolo kaya natanong si Alessandra kung paano niya ikukompara ang aktor kay Empoy Marquez na nagpapatawa rin.

“Comparison, si Empoy very conservative, si Paolo, iba talaga ‘yung humor niya. Nakatatawa siya ‘pag ibang tao ang nagsabi niyon, baka ma-offend ka but since si Paolo ‘yun, ‘nakatatawa ka, buti na lang hindi ako nababastos.’ 

“Ganoon siya talaga, ganoon ang humor niya, hindi ako napipikon kasi alam kong joke lang, hindi naman siya bastos na tao talaga. Ako rin kaya kong mag-joke ng bastos minsan, pero kailangang kilalang-kilala ng mga tao ‘yung heart and soul ko bago ako mag-joke ng ganoon, just for laughs,”paliwanag ng aktres.

READ MORE:  Tension sa PGT, kinompirma ni Billy

Anyway, kinumusta namin ang lovelife ni Alex pero tinititigan kami at sumenyas na ‘wag na kaming magtanong pa.

Mapapanood ang Through Night & Day sa Nobyembre 14 handog ng Viva Films at Octoarts Filmsmula sa direksiyon ni Ronnie Velasco.

ni Reggee Bonoan

Alessandra, na-hurt na naging taga-abot lang ng kape kay Piolo

Alessandra, na-hurt na naging taga-abot lang ng kape kay Piolo

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved