Tuesday , March 19 2024
Rolando Andaya Jr kill attempt
Rolando Andaya Jr kill attempt

Armadong lumapit kay Andaya, kinuyog (Habang naghahain ng COC sa CamSur)

NAGKAROON ng ko­mosyon sa tanggapan ng Commission on Elec­tion sa Camarines Sur nang pagtulungan ng mga tao ang isang lalaking arma­do umano ng baril at nagtangkang lumapit kay Camarines Sur Rep. Rolando Andaya Jr., na maghahain noon ng kaniyang Certificate of Candidacy, kamakalawa.

Ayon sa ulat, sinabing pinagtulungan ng mga tao ang lalaki na maha­wakan at mapigilan dahil nagtangka raw bumunot ng baril.

Ngunit mariing iti­nang­gi ng lalaki na sa kaniya ang nakuhang baril at nagpakilalang miyem­bro siya ng Civil Security Unit ng kapitolyo.

Nasa lugar lang uma­no siya para manood ng mga nangyayari sa labas ng Comelec.

Nang mangyari ang insidente, nakatakdang maghain ng COC si Andaya para tumakbong gobernador ng Camarines Sur.

Makakalaban ni An­da­ya ang kasa­lukuyang gobernador ng lalawigan na si Migz Villafuerte.

Sa hiwalay na ulat, sinabing bago maisakay sa police mobile ang lalaki, isang lalaking nagpakilalang pinuno ng CSU ng kapitolyo ang nagsabing tauhan niya ang inarestong lalaki.

Ayon kay Andaya,  kasalukuyang House Majority leader sa Ka­mara, sinabi sa kaniya ng kaniyang security aide na matagal na umano siyang minamanmanan ng nahuling lalaki.

Mahaharap sa kasong illegal possession of firearms ang nasabing lalaki.


Ambush kay Andaya nabigo
Ambush kay Andaya nabigo

About hataw tabloid

Check Also

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Leave a Reply

Your email address will not be published. Required fields are marked *