Monday , December 10 2018
Breaking News
You are here: Home / Opinion / Mocha tatakbo para sa anong puwesto?
Mocha tatakbo para sa anong puwesto?

Mocha tatakbo para sa anong puwesto?

GALIT na si resigned PCOO assistant secretary Esther Margaux Justiniano Uson, kaya mukhang ‘itinaga niya sa bato’ na tatakbo siya sa halalang gaganapin sa Mayo 2019.

Pero ang tanong, ano kayang posisyon ang target ni Mocha?!

Pirmis na ba siyang Senado ang aambisyonin niya?

Baka matulad lang siya sa sinabi ni ‘Tatay Digong’ kay Presidential Spokesperson Harry Roque na hindi siya makasisilat ng panalo sa Senado?!

Mabibigat ang mga kalaban, hindi kayang tapatan ang pangalan, track record at achievements ng mga matutunog at liyamadong kandidato sa Senado lalo na ‘yung nasa hanay ng kababaihan.

Kung tayo ang tatanungin, isa-suggest natin kay Ms. Mocha na mag-party-list na lang siya.

READ MORE:  Sino ang nagsasabi nang totoo sa INC?

Diyan mapapatunayan kung ‘yung limang milyong followers niya ay talagang solid sa kanya.

Kailangan lang pag-isipan kung paano maiko-convert sa boto ‘yang limang milyon na ‘yan.

Baka makadalawang seat pa sila kasama ang kanyang julalay na si Drew Olivar.

Ang tanong lang ulit, aabot pa kaya kung magpa-party-list sila?!

Pero sabi nga, nasa determinasyon lang ‘yan.

E alam naman nating lahat na punong-puno ng determinasyon si Mocha at hindi siya umaatras sa ganyang mga laban…

Hige nga… subukan na ‘yan!

CHA-CHA
NG KAMARA
MAIPILIT
KAHIT PILIPIT

IBANG klase rin talaga ang mga mam­bu­butas ‘este  mambabatas sa Kamara.

READ MORE:  Tolentino may delicadeza pa ba?

Talagang maipilit kahit na pilipit ang kanilang bersiyon ng Charter change?!

Anong prinsipyo kaya ang pinagbasehan nila para maisipan na maetsa-puwera ang bise presidente sa rule of succession kung sakaling maindulto ang presidente ng bansa?!

Ang puwede lang daw pumalit sa presidente ay ang senate president…

Hik hik hik…

At ang higit na nakatatawa kung hindi man nakabubuwisit, e ‘yung panukala na magka­roon ng ‘unli-power’ ang mga mambabatas.

Kung dati ay limitado hanggang tatlong termino (halos isang dekada ang full term) ang pagtakbo ng mga mambabatas, ngayon daw ay unlimited na hangga’t gusto umano ng constituents.

READ MORE:  Si Harvey at ang Pinoy

Wattafak?!

Moderate your greed naman mga kagulang-gulang ‘este kagalang-galang na kongresista!

Itanong naman ninyo sa mga sarili ninyo kung ano ang nagagawa ninyo para sa sam­bayanan para ambisyonin ninyong ‘i-mighty bond’ ang mga puwet ninyo diyan sa Kamara?!

Gusto n’yo ba talagang i-mighty bond na kayo sa Kamara sa buong buhay ninyo?!

Kayo rin, baka magkatotoo ‘yan. Sabi nga e, “be careful what you wish for!”

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved