Monday , December 10 2018
Breaking News
You are here: Home / Showbiz / It was never offered to me — Jasmine sa VM ni Alden
It was never offered to me — Jasmine sa VM ni Alden

It was never offered to me — Jasmine sa VM ni Alden

SA wakas, nagbigay na ng paglilinaw si Jasmine Curtis-Smith tungkol sa napabalita dati na siya sana ang leading lady ni Alden Richards sa Victor Magtanggol.

Umugong ang balita bago ipalabas ang serye ni Alden at ma-reveal na sina Janine Gutierrez at Andrea Torres ang mga bidang babae.

At kahit noong mga panahong iyon na wala namang kompirmasyon na si Jasmine ang leading lady ni Alden ay umani na ang aktes ng pamba-bash mula sa mga taong ayaw na siya ang leading leady ng Pambansang Bae.

“Oo nga,” ang umpisang reaksiyon ni Jasmine sa sinabi namin.

Ano ang nangyari? Siya ba talaga dapat ang leading lady ni Alden, bakit hindi natuloy?

“Well, there was never anything presented to me by GMA directly, kasi before pa I sign my contract, actually we had a meeting na with the bosses and they presented two different stories to me, none were fantaserye, none were of similar story sa ‘Victor Magtanggol,’ so that’s… I kept asking pa Mama Bechay, ‘Mama Bech ang daming nagta-tag sa akin, totoo ba? Kasi you need to tell me, kasi I need to prepare myself for this kung totoo nga at kung maba-bash na ako today hanggang mag-airing, at least ready na ako, i-expect ko na.’

READ MORE:  Maine at Alden, posibleng ‘magkabalikan’

“But walang nakarating sa akin, every time I ask Mama Bechay lagi naman niyang sinasabing, ‘No Jas no, wala, wala’, so…”

Si Betchay Vidanes ang manager ni Jasmine.

Aware ba si Jasmine na bago sina Janine at Andrea ay pangalan niya ang napapabalita na female lead sa Victor Magtanggol?

“Actually, parang nabanggit na sa akin ‘yun ni Mama B na, ‘O, baka i-consider ka nila’, and then I just never heard anything from that.”

Hindi totoo na na nag-backout si Jasmine dahil hindi niya kinaya ang mga pamba-bash sa kanya, na ang paniniwala ng marami ay fans ng AlDub na tambalan nina Alden at Maine Mendoza.

READ MORE:  Andrea, Gal Gadot ng ‘Pinas

“Ay hindi! Jusko! Pamba-bash ba ang pag-uusapan natin? Ilang love teams na ang pinagdaanan ko sa bashing! Kayang-kaya ko na ‘yan.”

So hindi pala totoo.

“No.”

Ang totoo nga ay hindi in-offer sa kanya ang Victor Magtanggol.

“No, no, it was never offered to me.”

Pero nakatikim ka muna ng bashing.

“Okay lang.”

Ano ang pinakagrabeng pamba-bash na ang naranasanan ni Jasmine?

“Ano ba? Para bang, ‘Bagong lipat, bagong whatever, aangkinin mo na,’ or…‘yung mga ganoon na kukunin ko na raw si Alden, saan ko siya kukunin?

“Hindi naman ako taga-langit! Hindi ko siya puwedeng kunin sa langit,” tumatawang biro pa ni Jasmine.

“So… but that was… wala na siya sa akin, kasi nakuha ko na rin ‘yun sa ‘Imagine You & Me,’ ‘di ba?”

Nakatikim na rin siya ng pamba-bash nang siya ang gumanap na ka-love triangle nina Alden at Maine sa pelikulang Imagine You & Me noong 2016.

READ MORE:  Toni, nag-ilusyong karelasyon si Sam; Maine, walang pinagsisisihan sa pagkalas kay Alden

“Kaya okay na rin. Hindi ko na rin lang siya pinansin, and nawala rin siya after kong pumirma, and nag-storycon kami (para sa Pamilya Roces), ‘yun.”

Dalawang taon ang kontrata ni Jasmine bilang bagong Kapuso, galing sa TV5 si Jasmine bago lumipat sa GMA.

Kay Betchay, ilang taon ang kontrata niya? Forever ba, biro pa namin sa magandang aktres.

“Actually wala nga kaming kontrata… yes.. forever…”

Iisa sila ng manager ni Mikael Daez.

“Oo, kami ho, we work with Mama Bech, ako mga 6, 8 years na ako kay Mama Bechay.”

Samantala, bukod kay Jasmine nasa Pamilya Roces sina Carla AbellanaRocco NacinoChristian BautistaGabbi Garcia, at ang mga bagong Kapuso na sina Sophie AlbertShaira Diaz, at Manolo Pedrosa. Sa direksiyon ni Joel Lamangan.

Rated R
ni Rommel Gonzales

COMMENTS

About Rommel Gonzales

Scroll To Top
 

Copyright hatawtabloid.com | All Rights Reserved