Tuesday , November 13 2018
Breaking News
You are here: Home / Showbiz / Sanya Lopez, nagpasilip ng alindog sa Wild and Free
Sanya Lopez, nagpasilip ng alindog sa Wild and Free

Sanya Lopez, nagpasilip ng alindog sa Wild and Free

IBABALANDRA ni Sanya Lopez ang kanyang alindog at kaseksihan sa pelikulang Wild and Free na hatid ng Regal Entertainment. Ang hunk at guwapong si Derrick Monas­terio ang leading man dito ni Sanya.

Bukod pa sa kaseksihan nina Sanya at Derrick, kaa­bang-abang din ang maiin­it na love scenes dito ng dalawa.  Esplika ni Sanya, “Mahirap ‘yung scene, kasi masikip sa loob ng car. Pero ini­handa ko na ang sarili ko rito, gustong gusto ko ‘yung natu­tuto ako and nag-i-im­prove.

“Okay ako kay Der­rick kahit a­nong gawin at pag-usapan namin. Kahit dirty talks I can discuss with him be­cause we are both naughty, we are both wild and free. Matagal na kaming magkakilala at mas nag­ka­kilala pa kami.”

READ MORE:  Sanya, sa maseselang eksena nila ni Derrick — Hindi ito bastos

Paano siya nakombinse na gawin ang daring na project na tulad ng Wild and Free?

Sagot ni Sanya, “Nakomb­inse po ako, kasi bilang isang artista, maganda na ginagam­panan mo iyong isang bagay… lalo na kung maganda ‘yung istorya at magaling naman ang director. Nandiyan iyong director namin para i-guide kami at i-motivate kami sa lahat ng ginagawa namin, hindi naman kami pinabayaan…

“At least naggo-grow ako bilang actress,” sambit pa niya.

Since virgin pa siya at no boyfriend since birth, hindi ba siya nag-hesitate sa mga daring at sexy scenes niya rito? “Noong umpisa, hindi naman po maii­wasan iyon, Pero pinag-aaralan po kung paano ako hindi maghe-hesitate. At kapag kasama ko naman si Derrick, sobrang gentleman niya, inire-respct niya talaga ako at saka kampante na kasi kami talaga sa isa’t isa, e.”

READ MORE:  Liza, ipino-promote ang Dukot movie ni Enrique

Tuloy-tuloy na ba siya sa pagpapa-sexy sa pelikula? “Hindi ko po talaga masabi pa sa ngayon, pero nakadepende po kasi ako talaga sa ganda ng istorya.”

Kaya ba niyang higitan pa sa susunod na project niya ang mga ginawa niya rito?

READ MORE:  Derrick, aminadong ‘pinasasaya’ ang sarili araw-araw

“Kapag handa na po ako, kung mayroon mga eksena na medyo matindi, pag-aaralan ko muna po siguro. Depende pa rin po, hindi ko pa po muna masabi sa ngayon,” nakangiting wika niya.

Ang Wild and Free ay mula sa pamamahala ni Direk Connie S.A. Macatuno. Tampok din dito sina Ashley Ortega at Juancho Trivino, at mapapanood na ito sa mga sinehan sa October 10.

Para sa iba pang updates, follow Regal Entertainment Inc sa Facebook, @RegalFilms sa Twitter, @RegalFilms50 sa IG at Regal Cinema channel sa YouTube.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved