Sunday , December 16 2018
Breaking News
You are here: Home / News / 16-anyos dalagita dinukot, nireyp ng utol ng nanay
16-anyos dalagita dinukot, nireyp ng utol ng nanay

16-anyos dalagita dinukot, nireyp ng utol ng nanay

ARESTADO ang isang 22-anyos lalaking wanted sa kasong pagtangay at panggagahasa sa kanyang 16-anyos dalagitang pa­mang­kin, makaraang ma­tunt­on ng mga awtoridad sa pinagtataguan sa Muntinl­u-pa City, nabatid sa ulat ng pulisya kahapon.

Ayon kay MPD Sam­paloc police (PS4) station commander, Supt. Andrew Aguirre, kinilala ang suspek na si Andrei Yamson, residente sa Muntinlupa City, nadakip ng mga tauhan ng Intelligence and Warrant Section dakong 3:40  noong hapon ng 1 Oktubre sa kanyang bahay.

READ MORE:  Buntis, tiyahin sinaksak ng adik na pamangkin

Batay sa ulat ng MPD, nabatid na hindi nanlaban ang suspek nang isilbi ng mga pulis ang warrant of arrest na inisyu ni Presiding Judge Ma. Celestina Ma­ng-ro­bang ng Manila Regio­nal Trial Court Branch 38, noong 10 Setyembre 2018 dahil sa kasong qualified rape.

Ayon kay PO1 Jo Sala­lac, ng MPD-PS4, si Yamson ang itinuturong tumangay at gumahasa sa kanyang 16-anyos na pamangkin.

READ MORE:  Abu Sayyaf, 84 pa arestado sa QC Tokhang

Batay sa rekord ng pulisya, unang ginahasa ng suspek ang biktima sa bahay ng dalagita sa Amelia St., sa Sampaloc.

Sinamantala umano ng suspek na umalis ang ina ng dalagita saka isinagawa ang panghahalay ngunit hindi nagsumbong ang biktima dahil sa takot.

Noong 17 Mayo 2018, nagtungo ang ina ng biktima sa pulisya at ini-report na tinangay ng kanyang kapa­tid ang biktima at itinago.

READ MORE:  Nat’l day of mourning idedeklara ni PNoy

Pagsapit ng Agosto ay hinalay umanong muli ng suspek ang biktima kaya’t nang magkaroon ng pagka­kataon ay tumakas at umuwi sa kanilang bahay ang dalagita.

Sinampahan ng kaso ang suspek at agad inaresto ng mga awtoridad nang maisyuhan ng warrant of arrest ng hukuman. (BRIAN GEM BILASANO)

COMMENTS

About Brian Bilasano

Scroll To Top
 

Copyright hatawtabloid.com | All Rights Reserved