Tuesday , March 19 2024
Mocha Uson Drew Olivar
Mocha Uson Drew Olivar

Mocha, posibleng may kontribusyon sa bomb joke ni Drew

FOR all Juan de la Cruz knows ay baka isinasangkalan din lang ni PCOO ASec Mocha Uson ang baklang blogger-friend na si Drew Olivar sa lahat ng mga kabulastagang pinagsabwatan nila.

Hindi kasi maiaalis na isipin even by those na hindi nakapag-aral ang tila sisi na ibinubunton lang kay Drew, samantalang as Mocha claims ay wala siyang direktang partisipasyon sa mga ito.

Teorya lang naman namin ito. Mocha can deny it for all we care.

Noong malagay sila sa alanganin kaugnay ng viral video sa pagpapalaganap ng isinusulong na pederalismo, depensa ni Mocha kay dating Senator Nene Pimentel ay hindi naman siya ang sumayaw sa video na hinaluan ng kabastusan.

Pero pinalakpakan ni Mocha si Drew.

Same with the sign language video, depensa ni Mocha ay hindi naman siya ang gumawa nito. Pero ikinaaliw din niya ang ginawa ni Drew.

Ang latest, pinapanagot si Drew sa kanyang bomb scare kaugnay ng paggunita kamakailan sa Martial Law. This time around, hindi co-respondent ni Drew si Mocha, kundi siya lang.

Alam nating lahat kung ano ang mga kaganapan sa idinaos na rally o mass action na dinaluhan ng mga protester lalong-lalo na ang mga desmayado sa Duterte administration.

Hindi sila mga DDS o mga Diehard Duterte Supporters. Hindi mga kakulay ni Mocha, sa madaling salita.

Ang binitiwang bomb joke ni Drew ay sadyang intended para sa mga nag-aaklas sa mga hindi nila kaalyado.

The idea—kung saan man ‘yon napulot ni Drew—ay posibleng naiambag din ni Mocha. We can never tell.

Dahil sipsip si Mocha sa gobyernong pinaglilingkuran niya, maaaring privately ay sumulpot ang bomb joke sa tsikahan nila ni Drew yaman din lang na para silang bumuo ng sindikato na maganda man ang layunin pero sablay naman sa pamamaraan.

Totoong it comes in threes, ayon nga sa ating kapaniwalaan.

Ang bomb joke ni Drew ay ikatlo na sa mga higanteng katsipan na sa halip makatulong sa bansa ay lalo pang dumadagdag sa mga kabuwisitang dulot ng mga linta tulad ni Mocha.

Minsan nang ininsulto sa magkahiwalay na pagkakataon nina Mocha at Drew si VP Leni Robredo. Mukhang nakaligtas sila roon.

Pero tila mahihirapan ang tandem na ito na malusutan ang isa sa tatlo o higit pa sa mga kabalahuraang pinaggagawa nila.

On Drew’s bomb joke, naniniwala kami na kahit katiting na porsiyento’y may kontribusyon din si Mocha roon.

A conspiracy na kailangan ding imbestigahan.

HOT, AW!
ni Ronnie Carrasco III

About Ronnie Carrasco III

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Marianne Beatriz Bermundo Catriona Gray

Catriona Gray inspirasyon ng model/ beauty queen Marianne Beatriz Bermundo

MATABILni John Fontanilla BUKOD sa korononang Little Miss Universe 2021 ay dalawa pang korona ang pinanalunan ni Marianne …

Aubrey Miles Troy Montero

Aubrey and Troy bumili ng halaman sa halagang P1-M

MATABILni John Fontanilla NAKALULULA ang presyo ng isang halaman na nabili ng mag-asawang Aubrey Miles at Troy Montero …

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Leave a Reply

Your email address will not be published. Required fields are marked *