Monday , October 15 2018
Breaking News
You are here: Home / News / COP sa Bulacan tiklo sa kotong
COP sa Bulacan tiklo sa kotong

COP sa Bulacan tiklo sa kotong

INIHAHANDA ng mga awtoridad ang isasam­pang kaso laban sa isang hepe ng pulisya sa Bulacan na inaresto dahil sa pangongotong sa arestadong drug suspect.

Ang opisyal ay kinilalang si Supt. Jowen dela Cruz, hepe ng Bocaue Police Station, inaresto sa mismong kaniyang tanggapan sa inilunsad na joint operation ng PNP Counter Intelligence Task Force (PNP-CITF), PNP Highway Patrol Group (PNP-HPG) at Intelligence Group.

READ MORE:  Kustodiya ng P37.3-M droga ipinasa ng BoC-NAIA sa PDEA

Una rito, ayon kay Supt. Joel Estaris, deputy commander ng PNP-CITF, dumulog sa kani­lang tanggapan ang kapatid ng isang bilanggo na inaresto sa buy-bust operation noong 5 Set­yembre.

Ayon sa nagreklamo, kinuha ng chief of police ang SUV Montero ng kapatid ngunit hindi inilista bilang kasama sa mga ebidensiya laban sa kanya.

Sa ulat, napag-ala­man na ang sasakyan ay personal na ginagamit ni Dela Cruz at ayon sa nagreklamo ay ibabalik lamang aniya ito ng opisyal kapalit ng i-Phone X na P75,000 ang halaga.

READ MORE:  Kelot utas sa boga

Isinagawa ng mga awtoridad ang entrap­ment operation laban sa opisyal gamit ang mama­haling cellphone na kaniyang hinihingi.

Lumabas din sa inisyal na imbestigasyon na bukod sa sasakyan, sa panunungkulan ni Dela Cruz ay nawawalan ng mga gamit ang mga inmate tulad ng sapatos, motorsiklo at iba pang gamit.

READ MORE:  i-ACT bakit ayaw pumunta sa Lawton?

Sinasabi pang naging modus din ng opisyal ang pagkuha sa mga sasakyan ng arestadong mga suspek at personal na ginagamit sa kaniyang mga lakad.

Ang operasyon laban kay Dela Cruz ay isina­gawa ng naturang mga ahensiya ng PNP, sa koordinasyon kay C/Supt. Amador Corpus, ang regional director ng PRO3.

(MICKA BAUTISTA)

COMMENTS

About Micka Bautista

Scroll To Top
 

Copyright hatawtabloid.com | All Rights Reserved