Tuesday , October 23 2018
Breaking News
You are here: Home / News / 2 akyat-bahay todas sa shootout
2 akyat-bahay todas sa shootout

2 akyat-bahay todas sa shootout

PATAY ang dalawang hinihinalang akyat bahay makaraan makipagbarilan sa mga operatiba ng Quezon City Police District (QCPD) Fairview Police Station 5 sa Brgy. Lagro salungsod, kahapon ng madaling-araw.

Sa ulat ni Supt. Benjamin Gabriel Jr., hepe ng Fairview PS5, kay QCPD director, Chief Supt. Joselito Esquivel Jr., ang dalawang suspek na kapwa nakasuot ng bonnet at helmet ay kapwa napatay sa palitan ng putok sa Mindanao Avenue Ext., Brgy. Greater Lagro, Quezon City.

READ MORE:  Customs broker utas sa tandem

Ayon sa imbestigasyon, nilooban ng dalawang suspek ang bahay ni Christine Quintela sa Ascension Avenue, Brgy. Greater Lagro.

Makaraang tumakas ang mga suspek lulan ng motorsiklo ay agad ipinaalam ni Quintela ang insidente sa barangay officials ng Brgy. Greater Lagro na siyang nag-report sa insidente sa Fairview PS 5.

READ MORE:  Himok ng AFP: Human Security Act ipatupad ng BI personnel

Kasunod nito, iniutos ni Gabriel sa mga tauhan na maglatag ng checkpoint sa mga lugar na puwedeng daanan ng dalawang magnanakaw.

Nang mamataan ang mga suspek habang papalapit sa checkpoint sa kanto ng Domingo de Ramos St., at Acension Avenue ay pinaputukan nila ang mga operatiba at nagawang takasan ang checkpoint.

Dakong 12:45 am, habang nagsasagawa ng buy-bust operation ang Station Anti-Drug Enforcement Unit ng PS5 sa Mindanao Avenue Ext., nakarating sa kanilang kaalaman ang alarma kaugnay sa dalawang suspek.

READ MORE:  Aquino officials kumita sa shabu lab sa Bilibid

Nang masabat ang mga suspek ay pinatitigil sila ng mga awtoridad ngunit pinapu­tukan nila ang mga pulis na human­tong sa palitan ng putok at nagre­sulta sa pagka­matay ng dalawa. (ALMAR DANGUI­LAN)

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved