Saturday , September 22 2018
Breaking News
You are here: Home / News / 6 nasakote sa P4.5-M Marijuana sa Kyusi
6 nasakote sa P4.5-M Marijuana sa Kyusi

6 nasakote sa P4.5-M Marijuana sa Kyusi

NASABAT ng mga tau­han ng Quezon City Police District (QCPD) ang 35 kilo ng marijuana, tinatayang P4.5 milyon ang halaga, sa anim arestadong mga suspek sa ikinasang pagsalakay sa Brgy. Immaculate Con­ception, Cubao, Quezon City, kamaka­lawa ng gabi.

Kinilala ang mga ares­tado na sina Grenie Hierro, 34; Anthony John Timpug, 39; Lassery Ann Rayo, 30; Randbel Clifford Venzon, 20; Archie Visperas Ferreras, 20, at isang 16-anyos me­nor na edad.

Ayon sa imbesti­ga­s-yon ng pulisya, dakong 8:00 pm nang isagawa ang mga operatiba ng Anti-Illegal Drugs ang buy-bust operation laban sa mga suspek sa 25, Room 713, Mary Grace Haven Apartment, Den­ver St., Brgy. Immaculate Conception, sa Cubao.

READ MORE:  PDEA, BoC magkasalungat sa drug smuggling sa magnetic lifters

Ang anim na suspek ay iniharap sa mga ma­mamahayag nina Nation­al Capital Region Police Office (NCRPO) Director Guillermo Eleazar at QCPD Director, C/Supt. Joselito Esquivel.

Ayon kay Eleazar, nalaman ng mga awto­ridad ang tungkol sa operasyon ng mga sus­pek makaraan makatang­gap ng report ang QCPD Station 7 mula sa isang concerned citizen, sa pamamagitan ng kani­lang hotline.

READ MORE:  Tserman binoga sa ulo ng tandem

“The mode of tran­saction of this group is kukuha sila sa Kalinga, Apayao nitong mga ito na nakalagay sa sako at they were transporting these inside the van. At pag­dating dito [sa Metro Manila], ibinebenta nila by kilo,” ani Eleazar.

“Ito ngayong mga courier, bumibili. Sila ngayon ang nagdi-distribute sa kanilang mga tinawag nating street peddlers,” aniya.

Nasabat mula sa mga suspek ang 27 piraso ng malalaking rolyo ng dahon ng marijuana, 7 piraso ng bricks ng dahon ng marijuana, isang digital weighing scale, dalawang plastic bag na naglalaman ng dahon ng marijuana, at mga drug paraphernalia.

READ MORE:  Ex-con na tulak ng droga utas sa shootout!

Umaabot sa 35 kilo ang kompiskadong mari­juana tinatayang P4.5 milyon ang street value.

Samantala, aminado ang pangunahing suspek na si Hierro na nagtutulak siya ng marijuana ngunit iginiit na hindi sa kanya ang mga nabanggit na kontrabado kundi  ipina­bebenta umano sa kanya.

Nahaharap ang mga suspek sa kasong pagla­bag sa Republic Act 9165 o Comprehensive Danger­ous Drugs Act of 2002. (ALMAR DANGUI­LAN)

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved