Tuesday , March 19 2024

Rigodon sa Kamara kinopo ng GMA allies

ALIADOS ni dating Pangulong Gloria Macapagal Arroyo at ngayon ay Speaker Gloria Macapagal-Arroyo ang ipinuwesto sa magagandang puwesto sa Kamara.

Sa mosyon ni House Majority Leader at Cama­rines Sur Rep. Rolando Andaya Jr., itinalaga si Surigao del Sur Rep. Rolando Andaya Jr. at Bohol Rep. Arthur Yap bilang deputy speakers, kapalit ni Marikina City Rep. Miro Quimbo at Cebu Rep. Gwen Garcia na sumuporta sa nasibak na si Speaker Pantaleon Alvarez.

Si Quimbo naman ay nag-abstain sa pagboto.

Kagaya ni Andaya, si Pichay at Yap ay pina­nini­walang nagkaroon ng malaking tungkulin sa pagluluklok kay Arroyo sa pagka-speaker.

Si Quimbo, tinanggal man sa pagka-deputy speaker, ay binigyan ng ibang puwesto sa House committee on ways and means. Siya ang tuma­tayong lider ng People’s Minority, isa sa mga grupo ng minorya sa Ka­mara.

Si Surigao del Sur Rep. Johnny Pimentel, isa sa mga pinakamatinding kaalyado ni Alvarez, ay pinalitan ni Camiguin Rep. Xavier Jesus Romual­do, bilang pinuno ng House committee on good government and public accountability.

Si Cavite Rep. Jennifer “Jenny” Barzaga ay ibi­noto bilang vice chair­person ng House commit­tee on accounts.

Si North Cotabato Rep. Jose Tejada naman bilang vice chairman ng House committee on appropriations na pina­mumunuan ni Davao City Rep. Karlo Nograles.

Kasama rin sa komite ni Nograles sina Manda­luyong City Rep. Ale­xandria Gonzales, Abra Rep. JV Bernos, at San Jose Del Monte City Rep. Rida Robles.

Pinagbotohan din sa plenaryo sina Muntinlupa City Rep. Ruffy Biazon bilang miyembro ng House committee on basic education at si Masbate Rep. Scott Davies Lanete na napunta sa Commis­sion on Appointments.

ni Gerry Baldo

About Gerry Baldo

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Leave a Reply

Your email address will not be published. Required fields are marked *