Sunday , November 18 2018
Breaking News
You are here: Home / News / Party muna bago trabaho
Party muna bago trabaho

Party muna bago trabaho

TILA huminto ang ikot ng mundo sa News and Information Bureau (NIB) sa Malacañang kahapon dahil sa pag­diriwang ng kanilang anibersaryo.

Natapos ang eco­nomic press briefing sa Malacañang nang halos 1:00 ng hapon ngunit walang natanggap na kopya ng transcript nito ang Palace reporters.

Trabaho ng NIB ang i-transcribe ang pana­yam sa mga opisyal ng Palasyo at maging ang mga press briefing sa Malacañang.

Ilang beses tinawa­gan ng mga reporter ang opisina ng NIB ngunit walang sumasagot dahil ang mga opisyal at kawani ng kawanihan ay nasa National Print­ing Office (NPO) at nagpa-party.

READ MORE:  5 drug suspects itinumba

Dati-rati’y walang press briefing tuwing Miyerkoles sa Palasyo ngunit mula noong Hun­yo ay nagpasya ang PCOO na magkaroon ng “economic press briefing” sa Malacañang Press Corps (MPC) kahit may kanya-kanyang press corps sa iba’t ibang ahen­si­ya ng pamahalaan na puwedeng mag-interview ng mga opisyal.

Katuwiran nila, mas maiintindihan ng masa kapag sa Palasyo ginawa ang press briefing.

Kahapon ay isinalang ng PCOO si Department of Education Secretary Leonor Briones at Finance Assistant Secretary Tony Lambino sa press briefing.

READ MORE:  Tindera utas sa boga, suspek dedbol sa bundol

Imbes mandatory drug test, sinabi ni Briones na kusa na lamang nagpa­sailalim sa drug test ang 100 DepEd personnel sa central office, 100 sa regional offices, 20,000 high school students sa ilang piling paaralan, at 24,000 libong mga guro.

Bilang dating nation­al treasurer ay naniniwa­la si Briones na mas ma­kapipinsala kaysa maka­bubuti kapag sinuspen­de ang pagpapatupad ng kasalukuyang Tax Reform Acceleration and Inclusion (TRAIN) law.

Giit niya, walang ibang direksiyong pu­pun­tahan ang pamaha­laan kundi ang mangu­tang kung hindi maipa­tutupad ang natitirang TRAIN packages.

READ MORE:  Lider ng hold-up group arestado

Umabot sa P6.875 trilyon ang utang ng Fili­pinas hanggang noong nakaraang Mayo.

Sabi ni Lambino, dapat maalala ng pu­bliko na halos 99 porsi­yento ng taxpayers ang tumaas ang take home pay habang malaki rin ang nakuhang revenue ng gobyerno mula sa katas ng excise tax na ipinataw mula sa sweetened beverages at unhealthy products ga­ya ng siga­rilyo.

Sa kanyang SONA noong Lunes, nanawa­gan si Pangulong Duter­te sa Kongreso na mada­liin ang pagpasa ng apat pang TRAIN packages.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved