BBL ipapasa alinsunod sa konstitusyon — majority leader

IPINANGAKO ng isang lider ng Kamara, ang pag-uusap tungkol sa Bangsamoro Basic Law (BBL) ay hahantong sa isang batas na naaayon sa Konstitusyon.

Ayon kay House Majority Leader Rodolfo Fariñas, ang pag-uusap ng Bicameral Conference Committee na kinabi­bilangan ng mga senador at kongresista ay gigi­yahan ng Konstitusyon ng 1987.

Titiyakin, ani­ya, na papasa ito sa pagsusuri ng mga kri­ti­ko.

Bukod kay Fariñas, ang iba pang miyembro ng “Bicam” mula sa Kamara ay sina Reps. Pedro Acharon, Jr. ng South Cotabato; Mauyag Papandayan, Jr. ng Lanao del Sur; Ruby Sahali ng Tawi-Tawi; Bai Sandra Sema ng Maguindanao; Juan Pablo Bondoc ng Pampanga; Arthur De­fensor, Jr. ng Iloilo; Johnny Pimentel ng Surigao del Sur; Eugene Michael de Vera ng ABS party-list; Rodolfo Albano III ng Isabela; Amihilda Sang­copan ng Anak Mindanao party-list; Wilter Wee Palma II ng Zamboanga Sibugay; Celso Lobregat ng Zam­boanga City; Mohamad Khalid Dima­poro ng Lanao de Norte; Romeo Acop ng Antipolo City; Seth Frederick Jalosjos ng Zamboanga del Norte; Shenee Tan ng Kusug Tausug party-list; at Rodante Marcoleta ng SAGIP party-list.

Si Fariñas ay kasama ni Speaker Pantaleon Alvarez’s  bilang autor ng House Bill 6475 na nag­lalayong magtayo ng bagong “autonomous po­litical entity,” na tata­waging “Bangsamoro Autonomous Region (BAR).”

Ang BAR ang papalit sa kasalukuyang Auto­nomous Region in Muslim Mindanao (ARMM) kabi­lang ang mga lalawigan ng Basilan, Lanao del Sur, Maguindanao, Sulu, at Tawi-Tawi.

Ang House Bill na inihain ni Alvarez at Fariñas ay nagtakda sa Section 4 ng paraan para sumali ang mga karatig bayan ng Bangsamoro sa rehiyon sa pamamagitan ng plebesito na nilagdaan ng sampung porsiyento ng mga botante kada limang taon.

Ang HB 6475 ay nagbibigay din ng “fiscal autonomy” sa Bangsa­moro na ayon sa ibang mga kongresista ay labag sa Konstitu­syon.

Anila, ang poder sa pagbigay ng “fiscal autonomy” ay puwe­deng ibigay ng Saligang Batas at hindi puwedeng sapawan ng isang batas lamang.

Ani Alvarez hayaan na raw ang Supreme Court na magpasya rito.

ni Gerry Baldo