Dr. Hayden Kho, tatakbong kongresista?

PINATATAKBONG kongresista sa Marinduque ang asawa ni Dra. Vicky Belo na si Dr. Hayden Kho para palitan ang kasalukuyang nakaupong si Representative Lord Allan Jay Velasco.

Ang sitsit ay si Ms Regina Ongsiako Reyes umano ang magsabi kay doc Hayden na kumandidato sa 2019.

Ayon pa sa balita ay nawala sa puwesto niya bilang kongresista ang una dahil sa isyung citizenship.

Na-quote naman si Dr. Hayden na totoong may kumausap sa kanyang kumandidato pero hindi niya binanggit kung sino at wala rin siyang sagot kung itutuloy niya ang pagtakbo sa 2019 election.

Tinanong namin ang wifey ni Dr. Hayden na si Dr. Belo kung tatakbo nga ang hubby niya, ”No Reg, it’s not true!  Hayden doesn’t want! I also don’t want. Our life is quiet and politics is magulo,” diretsong sagot sa amin.

As of now ay abala sina Hayden at Belo sa pagpapatakbo ng Belo Medical Center at nag-eenjoy sila bilang proud parents ni Scarlet Snow  na sikat na rin ngayon sa social media at paggawa ng TVC.

FACT SHEET
ni Reggee Bonoan