Thursday , September 20 2018
Breaking News
You are here: Home / News / Gunman sugatan sa parak (Trike driver binoga todas)

Gunman sugatan sa parak (Trike driver binoga todas)

AGAD binawian ng buhay ang isang 24-an­yos tricycle driver maka­raan pagbabarilin ng isang lalaki na ngayon ay kritikal ang kala­gayan nang makipag­palitan ng putok sa pulis sa kanto ng Morio­nes at J. Luna streets, Tondo, Maynila, kaha­pon ng madaling-araw.

Ayon kay Delpan PCP commander, S/Insp. Edwin Fuggan, nagpapatrolya sila nang umalis ang kanyang tauhan na si PO2 Christian Jay Cruz Bul­lecer upang bumili ng tubig at pagkain sa malapit na convenience stores sa nasabing lugar.

AGAD nalagutan ng hininga ang 24-anyos tricycle driver na si King Arthur Roque makaraan pagbabarilin ni Charlie Inocencio, 21, ngayon ay malubha ang kalagayan sa pagamutan nang makipagpalitan ng putok kay PO2 Christian Jay Cruz Bullecer sa Tondo, Maynila, kahapon ng madaling-araw. (BRIAN GEM BILASANO)

Ngunit naaktohan ni Bullecer ang pamamaril ng suspek na si Charlie Inocencio, 21, residente sa 13 Franco St., Tondo, Maynila, kay King Arthur Roque, nakatira sa Aguila St., ng nasabing lugar, na ikinamatay ng biktima.

Agad nagpakilalang pulis si Bullecer at pina­susuko ang suspek ngu­nit pinaputukan siya ni Inocencio. Humantong ito sa habo­lan at palitan ng putok ngunit nang masu­kol ang suspek ay bumagsak nang tamaan ng pulis.

Isinugod ni Bullecer sa Gat Andres Medical Center ang suspek na kasalukuyang nasa ma-lubhang kalagayan.

Na-pag-alaman na si Bullecer ay nakatalaga sa MPD PS2 Station Drug Enforcement Unit. (BRIAN GEM BILA­SANO, may ulat nina Renzy Seangoy at Nicole Moya)

COMMENTS

About Brian Bilasano

Scroll To Top
 

Copyright hatawtabloid.com | All Rights Reserved