Thursday , September 20 2018
Breaking News
You are here: Home / News / Lasing na kasambahay nalunod sa pool
Lasing na kasambahay nalunod sa pool

Lasing na kasambahay nalunod sa pool

NALUNOD ang isang kasamba­hay sa swimming pool dahil sa matinding kalasingan habang naliligo kasama ang pamilya ng kanyang amo sa Malabon City, kamakalawa ng gabi.

Hindi umabot nang buhay sa Manila Central University Hospital ang biktimang si Mailin Castillo, 24, stay-in housemaid sa Ca­dorniga St., Brgy. NBBS, Navotas City.

Base sa imbestigasyon nina PO3 Julius Mabasa at PO2 Jose Romeo Germinal II, dakong 10:40 pm nang malunod ang biktima sa Costiera Resort sa Sioson St., Brgy. Dampalit, Malabon City.

Kasama ang biktima sa outing ng pamilya ng kanyang amo na si Flor Fajardo, 45, sa naturang resort.

Ngunit habang masayang nag-iinoman at nagkakantahan sa videoke ay nagtungo ang lasing na si Castillo sa swimming pool upang maligo.

Makaraan ang ilang saglit ay  nagulantang ang pamilya nang makitang nakalubog na sa tubig ang kasambahay.

(ROMMEL SALES)

COMMENTS

About Rommel Sales

Scroll To Top
 

Copyright hatawtabloid.com | All Rights Reserved