Tuesday , November 20 2018
Breaking News
You are here: Home / Opinion / Barangay narco-list nasaan na?
Barangay narco-list nasaan na?

Barangay narco-list nasaan na?

MARAMI na ang naghahanap ng barangay narco-list na sinabi kamakai­lan ng Department of the Interior and Local Government (DILG) na kanilang ilalabas sa publiko.

Ang siste, nagsimula na’t lahat ang Barangay and Sangguniang Kabataan (BSK) elections pero wala namang naglabas ng listahan.

Nasaan ang barangay narco-list na sinabing ilalantad para maging gabay ng constituents sa kanilang pagboto?

Kaya hanggang ngayon, nagtatanong ang mga tao. Sino ang maglalabas, ano ang hitsura ng opisyal na listahan, at ang ilalabas bang lista­han ay convicted na notorious sa ilegal na droga?!

Kung hindi naman convicted, ano ang magiging basehan?!

READ MORE:  BIR delayed na delayed ang aksiyon vs money launderers at tax evaders

Hindi ba puwedeng magsampa ng kaso ang inilagay sa listahan kung wala naman silang conviction?!

O hindi kaya gamitin ng magkalaban sa kanilang kampanya ang paninira na sangkot sa ilegal na droga si kandidatong ganoon at si kandidatong ganito?

Tila lalong naging masalimuot ang pronouncement na gaya nito kaya lalong nagkakagulo sa hanay ng mga kandidato.

Sa local constituents, ang masasabi natin, kilala ninyo kung sino ang mga sangkot sa ilegal na droga kaya huwag kayong magpadala sa panunuhol nila ng kuwarta.

Iboto ninyo ang mga karapat-dapat at ibasura ang mga sangkot sa ilegal na droga.

READ MORE:  Illegal gambling sa internet cafe

P5-MILYON IPINATALO
NI CONG SA 10th NCA
6-COCK DERBY SA YNARES
SPORTS COMPLEX

HINDI naman ganoon kaunlad ang lalawigan na pinagmulan ni Mr. Congressman.

Pero nakapagtatangkang nakapagpatalo siya ng P5 milyon sa 10th NCA 6-Cock Derby sa Ynares Sports Complex kamakailan.

Kaya ba ninyong hulaan kung sino si Cong?!

Kung hindi man namataan si Congressman sa Ynares, ‘yan ay dahil may tinatawag na ‘telephone betting.’

Sa telepono lang puwede nang tumaya.

Ang galing ni Cong!

Kuha n’yo na ba?

READ MORE:  Para sa isang kaibigan NPC President Joel Sy Egco  

Siyanga pala, kinakatawan ni Mr. Congressman ang isang lalawigan sa Mindanao.

Malapit na siguro ninyong mahulaan…

Pero ang malupit na clue, may kapatid din na mambabatas si Cong.

Kaya kompleto ang representasyon ng pa­milya ‘este ng lalawigan nila sa Kongreso, mayroon sa itaas at mayroon sa ibaba.

Give away na ‘yang clue na ‘yan, palagay natin ‘e gets na gets n’yo na!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved