Tuesday , March 19 2024
Bulabugin ni Jerry Yap
Bulabugin ni Jerry Yap

Mas epektibong komunikasyon, hindi lumang estilo ng protesta (Sa public utility vehicle modernization protest)

PASINTABI sa mga kapatid nating jeepney drivers.

Nakikisimpatiya po sa inyo ang inyong lingkod dahil nauunawaan naman natin na hindi lang simpleng hanapbuhay kundi kabuhayan ang inyong ipinaglalaban.

Dahil kayo’y nasa transport service, natural na tool of production ninyo ang inyong jeepney. ‘Yung mga walang pag-aaring jeepney, ang kanilang kakayahang magmaneho ang ibebenta nila bilang serbisyo — kaya sila ay lalabas na service crew.

Alam natin na ang tinitingnan ninyong isyu rito ay kawalan ng malasakit ng pamahalaan sa mga jeepney drivers and operators na tatamaan ng modernization ng mass transportation.

Pero ayon sa LTFRB at LTO, matagal na kayong kinakausap ukol rito, kayo lang ang ayaw humarap at makipagkompromiso.

At ‘yun ang isa sa mga problema na nakikita natin. Hindi ito makukuha sa isang upuan lang. Kailangan dito ang mahabang plano. Pero siyempre kailangan kayong makiisa sa phaseout ng lumang jeepneys.

Ang problema naman ng LTFRB at LTO bigla na lang nanghuli ng jeepneys na nais i-phase out. Hindi na lang hinintay ang rehistrasyon ng yunit bago itinakdang bawal na sila sa kalye.

Lalong hindi naresolba ang mga isyu at ngayon ay naiwan sa ere ang jeepney drivers and operators.

Hayan lalo tuloy nag-trigger nang sunod-su­nod na tigil-pasada sa hanay ng transport group.

Ang siste, mga magulang at mga estudyante ang napeprehuwisyo.

Sa sobrang dami ng holidays sa Filipinas, ang daming araw na walang pasok sa eskuwela. Bukod sa holidays nadadagdag pa ang deklarasyon ng local government units (LGUs) na walang pasok sa lahat ng antas ng eskuwela kapag may tigil-pasada.

Wala bang ibang alam na paraan ng protesta ang jeepney drivers and operators kundi ang ‘i-blackmail’ ang commuting public?

Mahihirap na commuters lang ang napeprehuwisyo ninyo hindi ang mayayaman na bawat isang miyembro ng pamilya ay may sasakyan.

Hindi ba ninyo alam na nabubuwisit ang mga ‘magulang’ sa ginagawa ninyo?

Puwede ba, umisip naman kayo ng ibang estilo ng protesta dahil sa totoo lang, wala nang na­tutuwa sa inyo!

NATIONAL ID
SYSTEM DAPAT
ISABATAS
NANG TULUYAN

ISA tayo sa pabor na isabatas na ang National ID System o ang isinusulong na Senate Bill No. 1738 (An Act Establishing the Philippine Identification System)

Kung hindi tayo nagkakamali, aprobado ito sa 3rd at Final Reading sa Senado kahapon at umaasa ang mga senador na ia-adopt ng Kamara ang kanilang national ID measure.

Malaking bagay ang pagkakaroon ng National ID System. Ibig sabihin nito, isang ID na lang ang kikilalanin ng mga establisyemento o ahensiyang naghahanap nito.

Tingin natin, matutuwa ang lahat ng mamamayan sa sistemang ito maliban doon sa mga may ginagawang hindi maganda o ilegal.

Sa kasalukuyang sistema, kailangan dalawang government issued ID ang ipakita. Kahit driver’s license ayaw kilalanin, kailangan pa ng ibang ID na government issued din.

Mantakin naman ninyo, may SSS ID, TIN, dri­ver’s license, postal ID, voter’s ID na hanggang ngayon ay hindi naman inire-release at iba pang kung ano-anong ID.

E kung isa na lang ang ID, e ‘di hindi na kai­langan magdala ng kung ano-anong ID.

Ang importante sa National ID System saka­ling maaprobahan ito ay kung paano maisasalin nang mahusay sa pamamagitan ng makabagong teknolohiya ang security features na hindi mapepeke ng kahit na sino.

Alam ba ninyong sa Hong Kong, kapag nangingibang bayan ang mga local residents doon, ang ID na lang nila ang ini-scan sa kanilang airport. Ang passport nila ay para na lamang sa bansang pupuntahan o pinangga­lingan nila?!

Hi-tech na hi-tech ‘di ba?

At wala namang nagrereklamo sa kanila sa ganoong sistema, na hindi naman nakaaabala kundi nakapagpapabilis pa nga ng mga proseso.

Sana ay dumating din ang katulad na panahon dito sa Filipinas.

At  mangyayari lang ‘yun kung maaaprobahan ng buong Kongreso ang panukalang batas.

Sana naman ay huwag nang magpatawing-tawing pa ang Kamara sa pag-adopt ng Senate Bill 1738 nang sa gayon ay maipatupad na ang National ID System o  Philippine Identification System (PhilSys).

BANTAYAN
ANG BASHI
CHANNEL

Dear Sir,

Magandang hakbang para sa ating mga mangingisda kung itutuloy ng ating gobyerno ang pagtatalaga ng mga sundalo sa Bashi Channel sa Batanes. Ang pagtatayo ng tirahan para sa mga mangingisda roon ay magiging isang magandang proyekto.

Mas mainam nang pakinabangan nating mga Filipino ang mga isla na sakop naman talaga ng ating teritoryo. Sana maraming local go­vernment unit ang tumulong para matuloy ito. Nararapat lang na bantayan at pakinabangan natin ang tunay na sa atin.

‘Wag sana nating hayaang angkinin na naman ng China at ng iba pang bansa ang mga islang para sa atin naman talaga.

<[email protected]

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Dragon Lady Amor Virata

Surot, surot at surot pa…

Isumbong mokay DRAGON LADYni Amor Virata MAPUPULANG pantal at ubod nang kating naranasan ng ilang …

Sipat Mat Vicencio

Sobrang epal ni Bong Revilla

SIPATni Mat Vicencio DAHIL na rin sa mga kapalpakang ginagawa ni Senator Ramon “Bong” Revilla, …

Leave a Reply

Your email address will not be published. Required fields are marked *