Monday , November 19 2018
Breaking News
You are here: Home / News / Libreng tuition sa kolehiyo simula sa Hunyo
Libreng tuition sa kolehiyo simula sa Hunyo

Libreng tuition sa kolehiyo simula sa Hunyo

SISIMULAN nang ipatupad ngayong Hunyo ang libreng tuition at miscellaneous fee para sa mga estudyante ng state universities and colleges (SUCs), local universities at colleges (LUCs) at technical-vocational institutions (TVIs).

“Doon sa universities and colleges, sa June dahil ang school year ng marami ay June nagsisimula. Sa ngayon, covered na sila ng P8-bilyon free tuition, so sa June ang madadagdag sa marami ay ‘yung libreng miscellaneous fees,” paliwanag ni office-in-charge Prospero de Vera ng Commission on Higher Education (CHEd).

READ MORE:  4 new guinness records ng INC

Ito ay makaraan mailabas ng komisyon ang implementing rules and regulations (IRR) para sa Universal Access to Quality Tertiary Education Act of 2017.

Agosto noong nakaraang taon nang pirmahan ni Pangulong Rodrigo Duterte ang panukala para sa libreng matrikula sa SUCs.

Sinabi ni De Vera, nakatakda silang mag-ikot sa buong Filipinas para ipaliwanag ang IRR.

Para maging kuwalipikado sa libreng matrikula at miscellaneous fee, dapat ay nakapasa ang estudyante sa admission at retention requirement ng eskuwelahan, wala pang undergraduate degree at hindi overstaying student.

READ MORE:  Militar kakayanin kahit walang aid mula sa US at EU

Binanggit din niya na wala nang income requirement na kinakailangan para maging kuwalipikado sa libreng matrikula.

“Binago natin ang ating pilosopiya sa edukasyon. Noon kasi lahat magbabayad, ‘yung nangangailangan ng tulong bibigyan ng scholarship ng pamahalaan,” ayon kay De Vera.

Aniya, ang ipinaiiral ngayon na pilosopiya ng administrasyong Duterte ay libreng edukasyon para sa lahat.

“Yung mga mangangailangan pa ng dagdag na ayuda, mahihirap na estudyante, bibigyan ng pamahalaan ng dagdag na ayuda,” aniya.

READ MORE:  Text-addict na jail guard natakasan ng murder suspect

Ang income requirement ay papasok para sa mga mangangailangan ng dagdag tulong mula sa pamahalaan.

“P40,000 ‘pag ikaw ay nag-aral sa state university at P60,000 pag nag-aral sa private university. Ito ay nakareserba sa mahihirap na kababayan natin,” aniya.

Hindi umano ibibigay ang stipend nang buo. Hahatiin ang kabuuang stipend sa loob ng 10 buwan, ayon kay De Vera.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved